TONGO NDA TI MBENI LISORO
YE TI MANDA 4
Sara terê ti mo kete
Mama-ndia ni: “Ala sara terê ti ala kete na ala bâ amba ti ala tongana azo so ayeke kota ahon ala.”—aPhil. 2:3.
Ye so Paul asara lani
1. Bâ VIDÉO ni, wala diko Kusala 26:2, 3. Na pekoni kiri tënë na ahunda so:
Tongana nyen la fason so Paul asara tënë na Gbia Agrippa afa so lo sara terê ti lo kete?
Tongana nyen la Paul agboto lê na ndö ti Jéhovah nga na Mbeti ti Nzapa ahon ti gboto lê na ndö ti lo wani? —Bâ Kusala 26:22.
Tapande ti Paul afa na e nyen?
2. Tongana fason so e sara na tënë afa so e sara terê ti e kete nga e ne zo, a yeke sara si a nzere na azo ti mä e.
Sara ye tongana Paul
3. Sara tënë na nengo zo. Kpe ti sara ye mo bâ mo tene mo la mo hinga ye kue nga so zo ni ahinga ti lo ye oko ape.
4. Sara si a yeke polele so ye so mo yeke fa alondo na yâ ti Bible. Atënë so ayeke na yâ ti Mbeti ti Nzapa apeut ti ndu bê ti azo. Tongana e sara kua na ni, e yeke sara si mabe ti ala aluti na ndö ti nzoni fondation ni.
5. Ngbâ ti sara ye na ngangu ape. Ngbâ pëpe ti gi ti fa so mo la mo yeke na raison. E ye ti papa na azo ape. Sara terê ti mo kete na lege so mo duti kpô nga mo hinga ngoi wa la a lingbi mo hon (aProv. 17:14; Tite 3:2). Tongana e sara tënë na ngangu ape, peut-être zo ni ayeke yeda ti mä e na mbeni ngoi nde.