Zi mbeto na yâ ti mo

Ye so Jésus asara lani

VIDÉO: Jésus afa tënë na Zachée

1. Bâ VIDÉO ni, wala diko Luc 19:​1-7. Na pekoni kiri tënë na ahunda so:

1. Ngbanga ti nyen la peut-être ambeni zo akpe Zachée?

2. Atâa so azo akpe lo, nyen la apusu Jésus ti fa nzoni tënë na lo?

Tapande ti Jésus afa na e nyen?

2. E bezoin ti zi mbeto na yâ ti e ti fa tënë ti Royaume na azo kue.

Sara ye tongana Jésus

3. Sara confiance na Jéhovah. Yingo ti Nzapa amû ngangu na Jésus ti fa tënë, mo nga kue a peut ti mû na mo ngangu (Mat. 10:​19, 20; Luc 4:18). Hunda na Jéhovah ti zi mbeto na yâ ti mo tongaso si mo fa tënë na azo so mbeto ti fa tënë na ala asara mo.—Kus. 4:29.

4. Tene hio ape so zo so ayeke mä e ape. Peut-être mbeto asara e ti fa tënë na ambeni zo ndali ti yungo bongo ti ala, kamba ti kua ti ala, mosoro so ala yeke na ni, fason so ala vivre na ni wala bungbi ti nzapa ti ala. Me zia e girisa ape so:

1. Jéhovah na Jésus apeut ti hinga ye so ayeke na bê ti zo, me e ape.

2. Jéhovah apeut ti sara nzoni bê na azo kue.

5. Zi mbeto na yâ ti mo, me ne zo nga sara ye na hange (Mat. 10:16). Kpe ti papa na azo. Hunzi lisoro ni tongana mo bâ so zo ni aye ti mä nzoni tënë ape wala tongana mo bâ so mo yeke na yâ ti kpale.—aProv. 17:14.