Atënë so azo ahunda

Deutéronome 14:21 atene: “Ye so akui na bê ti lo mveni, i lingbi te pëpe.” Tënë so ague nde na Lévitique 11:40 pëpe? Versê ni atene: “Zo so ate kuâ so, a lingbi lo sukula bongo ti lo, na lo ga sioni juska lakui.”

Aversê use so ague nde nde pëpe. Deutéronome 14:21 ayeke kiringo ti fani use ni na ndo ndia so ake ti tene zo ate nyama so lo wara ni gi na kuâ ni tongaso, so peut-être anyama ti ngonda si afâ lo (Exode 22:31; Lévitique 22:8). Lévitique 11:40 ayeke fa ti lo ye so mbeni zo ti Israël alingbi ti sala tongana lo doro ndia so na mbeni lege so lo ku tele ti lo na ni pëpe.

So Ndia ake mbeni ye, a ye pëpe ti tene so a yeke kpe ande ndia ni so lakue. Na tapande, andia ayeke lani dä so ake nzi, fango zo, salango témoin ti wataka nga na ambeni ye tongaso. Me na oko ngoi ni, a fa angbanga so a yeke dë lani na li ti azo so adoro andia ti Nzapa so. Angbanga so amû ngangu na andia ni nga afa so ala yeke lani asenge ye pëpe.

Mbeni zo so adoro lani ndia so ake ti tene zo ate mbeni nyama so akui na bê ti lo, lo ga sioni na lê ti Jéhovah, na a lingbi lo sukula tele ti lo tongana ti so ndia afa si lo ga nzoni. Tongana lo sukula tele ti lo nzoni pëpe, lo yeke “yô sioye ti lo”, so ti tene lo yeke kiri tënë lani ngbanga ti faute ti lo.​—Lévitique 17:15, 16.