KIRINGO TËNË NA AHUNDA TI AZO
Azo wa la ayeke gue na yayu, na ala gue ti sara nyen kâ?
Azo kutu na kutu aye ti gue na yayu. Jésus atene lani na abazengele ti lo so angbâ be-ta-zo na lo so ala yeke gue ande kâ. Kozo ti tene lo kui, lo tene lo yeke gue ti leke ndo ndali ti ala na tere ti Jéhovah, Babâ ti lo.—Diko Jean 14:2.
Ndali ti nyen la a yeke zingo ande azo ge na sese ti gue na yayu? Ala yeke gue ti sara nyen kâ? Jésus atene lani na abazengele ti lo so ala yeke gue ti duti agbia. Ala yeke komande ande sese.—Diko Luc 22:28-30; Apocalypse 5:10.
Anzoni zo kue la ayeke gue na yayu?
Na yâ ti akodoro mingi, gi kete wungo ti azo la ayeke ga agbia. So Jésus ayeke zingo ambeni zo ti gue na yayu si lo na ala akomande ande sese, azo ni so a soro ala so, wungo ti ala nga ayeke mingi ape (Jean 3:16). Bible afa tâ mbilimbili wungo ti azo ni so.—Diko Apocalypse 14:1.
Jésus aleke ndo na yayu ndali ti ambeni disciple ti lo. Mo hinga ye so ala yeke gue ti sara kâ?
Ala so ayeke gue na yayu, gi ala oko la ayeke bâ nzoni ape. Ambeni zo nga ayeke ngbâ kpu na kpu na ndo ti sese so ayeke ga Paradis. A yeke azo so angbâ be-ta-zo na Royaume ni so Jésus si ayeke Gbia ni (Jean 3:16). Na popo ti azo ni so, ambeni ayeke ala so asö kuâ na ngoi so a yeke futi dunia so. Me ambeni nde ayeke ala so akui kozo na a zingo ala na kuâ na yâ ti Paradis.—Diko Psaume 37:29; Jean 5:28, 29.