KIRINGO TËNË NA AHUNDA TI AZO

Lâ ti fango ngbanga ayeke nyen?

Ândö, Nzapa asara kua na ajuge ti bata azo ti lo si a sara na ala ye ti sioni ape (aJuge 2:18). Bible afa Lâ ti fango ngbanga so ayeke ga tongana mbeni ngoi ti ngia ndali ti so, Jéhovah, so ayeke Juge ti dunia kue, ayeke zi ande azo kue na yâ ti aye ti sioni so a yeke sara na tere ti ala.—Diko Psaume 96:12, 13; Ésaie 26:9.

Nzapa asoro Jésus ti fâ, na lege ni, ngbanga ti azo so angbâ na fini nga na ala so akui (Kusala 10:42; 17:31). Gbâ ti azo akui sân ti tene ala hinga Nzapa. Me na ngoi ti Lâ ti fango ngbanga ni so, Jésus ayeke kiri ande na fini mara ti azo tongaso ti tene a mû lege na ala ande ti hinga tâ Nzapa nga ti ye lo.—Diko Kusala 24:15.

Ngbanga ti nyen la Lâ ti fango ngbanga ayeke ninga ande ngu saki oko?

A yeke zingo ande akuâ na ngoi ti ngu saki oko so (Apocalypse 20:4, 12). A yeke hunda ande na ala ngoi ti hinga aye so Nzapa aye nga ti mä yanga ti lo. Nde na aye so azo ayeke pensé ka na ndo ti tënë ni so, Bible afa ti lo so a yeke fâ ande ngbanga na ndo ti azo alingbi na aye so ala yeke sara ande na peko ti so a zingo ala na kuâ.—Diko aRomain 6:7.

Bible asara nga tënë ti mbeni lâ ti fango ngbanga so ayeke si ande gi gbagburu tongaso, kozoni si ngu saki oko so akomanse. A iri lango ni so ngoi ti nda ni, tongana ti so a fa ni na yâ ti a-article ti tongo nda ni. Na lango ni so ande, Nzapa ayeke futi azo ti sioni kue (2 Pierre 3:7). Ni la, a yeke nzoni e sara kue ti fa so e ye Nzapa.—Diko 2 Pierre 3:9, 13.