“Azo so asara terê ti ala kete, sese ayeke ga ye ti ala”
Mingi ti e abâ tongana nyen la azo ayeke sara ye na amba ti ala na lege ni ape nga tongana nyen la azo ti sioni ayeke sara pasi na azo senge senge. Me eskê mbeni lâ sarango ye na zo na lege ni ape nga na sioni ayeke hunzi ande?
Na Psaume 37, Bible akiri tënë na ahundango tënë so, nga lo mû na e ambeni wango so alingbi ti aidé e laso. Bâ ye so Bible atene na ndö ti akota hunda so.
A lingbi e sara ye tongana nyen na mbage ti azo so asara ye ti ngangu na e?—Versê 1, 2.
Nyen la ayeke si ande na azo ti sioni?—Versê 10.
Gigi ti kekereke ti azo so asara ye na lege ni ayeke duti ande tongana nyen?—Versê 11, 29.
Nyen la a lingbi e sara fadeso?—Versê 34.
Na yâ ti tënë ti Psaume 37 so, a fa polele tënë ti pendere gigi ti kekereke so a leke ni ndali ti azo so ‘aku Jéhovah, na atambela na ndö ti lege ti lo.’ A-Témoin ti Jéhovah ayeke na ngia ti aidé mo ti manda Bible nga ti fa na mo tongana nyen la mo lingbi ti sara si gigi ti kekereke ni so aga tâ ye na lê ti mo nga na azo so mo ye ala.