A yeke na mo ti soro ye ndali ti gigi ti mo ti kekereke

A sara angu 3 500 tongaso awe, Jéhovah Nzapa afa na awakua ti lo ye so ala doit ti sara ti wara mbeni nzoni gigi ti kekereke. Lo tene: “Mbi zia na gbele mo fini na kuâ, tufa na deba; a lingbi mo soro fini si mo lingbi ti ngbâ na fini, mo na ahale ti mo.”​—Deutéronome 30:19.

Ti wara mbeni nzoni gigi ti kekereke, azo ti Israël adoit lani ti soro ye na lege ni. Laso nga, e kue e doit ti sara tongaso. Bible afa tongana nyen la mo lingbi ti soro ye ndali ti gigi ti mo ti kekereke, a tene: ‘Na lege so mo ndoye Jéhovah Nzapa ti mo, mo mä yanga ti lo.’​—Deutéronome 30:20.

TONGANA NYEN LA E PEUT TI NDOYE JÉHOVAH NGA E MÄ YANGA TI LO?

MANDA BIBLE: Ti ndoye Jéhovah, mo bezoin kozoni kue ti manda ye na ndö ti lo na yâ ti Bible. Tongana mo sara ni, mo yeke bâ so lo yeke Nzapa ti ndoye so aye nzoni ti mo. Lo tisa mo ti sambela lo ‘ngbanga ti so lo yeke bi bê ti lo na ndö ti mo.’ (1 Pierre 5:7). Bible amû zendo so tongana mo sara kue ti ga nduru na Nzapa, ‘lo yeke ga ande nduru na mo.’​—Jacques 4:8.

SARA YE ALINGBI NA YE SO MO MANDA: Ti mä Nzapa aye ti tene ti sara ye alingbi na awango ti ndara ti lo so ayeke na yâ ti Bible. Tongana mo sara ni, “lege ti mo ayeke ga nzoni na mo yeke sara ye na ndara.”​—Josué 1:8.