Tongana koli wala wali ti mo agi mbeni koli wala wali nde

TONGANA koli wala wali ti mbeni zo aduti be-ta-zo na lo ape, a yeke son mingi. A yeke tâ tënë so, ambeni zo abâ so ala peut ti pardonné mba ti ala ni so achangé nga ti kiri ti leke songo ti ala so abuba.a Me, même si na pekoni ala ke terê wala ala ke terê ape, azo so si mba ti ala ni aduti be-ta-zo na ala ape so ayeke bâ ka pasi na vundu mingi. Me, tongana nyen la mara ti azo tongaso apeut ti hon ndö ti vundu ti ala ni?

AVERSÊ TI BIBLE SO APEUT TI AIDÉ MO

Mingi ti azo so koli wala wali ti ala aduti be-ta-zo na ala ape abâ so Bible adë bê ti ala, même si vundu ti ala ni ayeke mingi. Ala bâ so Nzapa abâ ngu ti lê ti ala so ayuru nga lo kue vundu asara lo.​—Malachie 2:13-16.

“Na ngoi so agingo bê ahon ndö ti mbi, mo dë bê ti mbi nga mo sara si mbi duti na siriri.”​—Psaume 94:19.

Bill atene: “Na temps so mbi diko versê so, mbi imaginé Jéhovah so ayeke dë bê ti mbi yeke, tongana ti mbeni babâ so abâ mawa ti molenge ti lo.”

“Zo so ayeke be-ta-zo, mo yeke be-ta-zo na lo.”​—Psaume 18:25.

Carmen, so koli ti lo asara ndeko na mbeni wali teti ambeni nze, atene: “Koli ti mbi aduti be-ta-zo na mbi ape. Me mbi yeke na confiance so Jéhovah ayeke duti be-ta-zo na mbi. Lo yeke zia mbi lâ oko ape.”

“Ala gi bê ti ala na ndö ti mbeni ye pëpe, me na yâ ti aye kue, na lege ti sambela, na lege ti vorongo terê na Nzapa . . . ala hunda na Nzapa aye so agbu bê ti ala, na fade siriri ti Nzapa so ahon ndö ti bibe kue ayeke bata bê ti ala.”​—aPhilippien 4:6, 7.

Sasha atene: “Mbi diko aversê so fani mingi. So mbi sambela mingi, Nzapa asara si mbi wara siriri ti bê.”

Azo so kue e sara tënë ti ala ge so aye ti découragé na ambeni ngoi. Me ala sara confiance na Jéhovah Nzapa nga ala manda Bible, ye so amû na ala courage. Bill atene: “Na temps so mbi bâ so aye kue abuba na yâ ti gigi ti mbi, mabe asara si mbi hinga ye ti sara na yâ ti gigi ti mbi. Atâa so teti mbeni ngoi mbi tambela na ‘yâ ti popo-hoto so avuko pitipiti,’ Nzapa ayeke lani na mbi.”​—Psaume 23:4.