Mû maboko na apionnier
1 A hinga azo ti Nzapa ndali ti wâ ti ala na fango tënë. Atâa so e kue la si e yeke wara lege pëpe ti ga pionnier, e lingbi ti sala kue ti kono bibe ti pionnier, na salango kusala na âme ti e kue. Bê ti e ayeke na ngia legeoko na aita so alingbi ti sala kusala ti pionnier, na e yeke mû na ala ngangu.
2 Ti ga pionnier, na ti ngbâ na yâ kusala ni, ayeke kete ye pëpe. Apionnier ayeke sala kota mbage ti fango tënë nga ti fango ye. A hunda ngangu mingi, nga ti dö ambeni ye ti zia. Tongana nyen ambeni zo alingbi ti mû maboko na akpengba awakua ti ngoi kue so, nga ti mû ngangu na ala?
3 Ye so a lingbi ti sala: Apionnier ayeke na bezoin ti mungo maboko ti a-ancien. Tongana a-ancien asala kusala legeoko na apionnier, aita so ayeke wara ngangu mingi. A-ancien mingi agi, kamême fani oko na yâ ti ngu oko, ti sala kusala na pionnier oko oko ti kongregation. Na lege so ala lingbi ti gonda kusala so apionnier ni ayeke sala, nga ti mû maboko na ala ti gue na li ni ahon ti kozo. Peut-être a yeke nzoni apionnier aleke yâ ti programme ti ala ti fa tënë na ngoi so a-ancien alingbi ti fa tënë. Na mbage, a-ancien ayeke leke kue si agroupe ni ayeke na aterritoire so alingbi. A lingbi ti kiri ti leke ambeni bungbi ti fango tënë na peko ti midi, wala na lakui ti lingbi na programme ti apionnier. A lingbi ti duti tongaso mbilimbili na anze so apionnier auxiliaire ayeke mingi.—Es. 40:11.
4 Aserviteur ti mungo maboko alingbi nzoni mingi ti mû maboko na apionnier: na yâ fango tënë, nga, na bê kue, na bango lege ti aye so a leke na yâ kongregation. A yeke nzere na aita-wali pionnier mingi tongana aita-koli amû li ni na yâ lekengo agroupe ti fango tënë. Ala so ayeke bâ lege ti ambeti na apériodique alingbi ti sala kue si a ayeke dä mingi. Salango akusala tongaso amû lege na apionnier ti bi tele ti ala kue na yâ kusala ti ala.
5 Azo kue alingbi ti mû maboko: Awafango tënë alingbi ti duti ndulu fani mingi ti sala kusala na apionnier. A nzere na apionnier mingi ti wara mungo maboko ti ambeni wafango tënë, nga ti sala kusala legeoko na ala. Peut-être mo lingbi ti leke ti sala kusala legeoko na apionnier fani oko na yâ ti yenga oko, wala fani use na yâ ti nze oko. Mo lingbi ti mû na ala aye ti mitele, na apionnier ayekia mara ti nzobe tongaso.—aPhil. 4:14-19.
6 Mbeni sewa alingbi ti sala aye mingi ti mû maboko na ambeni ti ala so ayeke apionnier. Fani mingi, a lingbi ti kiri ti leke asalango kusala ti da si zo oko, wala mingi ti sewa ni amû kua ti pionnier. Mbeni ita-wali ayeke na amolenge ota, na lo sala kua lango use na yâ ti yenga oko. Amolenge ti lo ti koli amû maboko na lo na vongo aye, nga na lekengo tele ti da. Molenge ti lo ti wali aleke yâ ti da na ato kobe. Na pekoni so lo wara diplôme ti lo awe, lo kue lo komanse kua ti pionnier. Lo na mama ti lo achangé tele na salango kua. Mara ti salango kua maboko na maboko tongaso na yâ sewa amû lege na azo mingi ti sala kua ti pionnier, na aga na adeba nzoni mingi na sewa ni.
7 Apionnier so asala kusala ti ala na bê kue ayeke mbeni deba nzoni teti kongregation na yâ aye mingi. Wâ ti ala na tapande ti ala amû ngangu na aita mingi ti fa tënë mingi ahon ti kozo. Biani, e ye ti sala kue ti mû maboko na ala. Mara ti ngangu tongaso, so zo oko oko kue ayeke sala, ayeke ga na ngia na azo kue, nga amû gonda na Jéhovah.