Akiringo Tene na Ahundango Tene ti I
◼ Tongana nyen a lingbi ti mu maboko na mbeni zo so ayeke fa tene mbeni pepe aninga awe ti kiri ti ga mbeni wafango nzo tene?
[ARTICLE SO ASIGIGI PEPE NA KM SO, A LEKE NI, ME A SIGIGI PEPE.]
E yeke na ngia tongana mbeni oko ti afon e so ayeke fa tene mbeni pepe afa polele tâ nzala ti lo ti sala na Jéhovah. (Luc 15:4-6) Peut-être lo zia la ni lege si kengo ndo na akpale ti gigi ahon ndo ti lo na tongaso lo wara ngoi mbeni pepe ti manda Bible lo mveni, ti ga na abungbi na ti mu mbage na fango tene. Nzoni lege ti mu maboko na lo ti maï na lege ti yingo ayeke so wa?
A lingbi e kue e sala mbeni ye ti fa na lo tâ ndoye ti e ti Chrétien. Fade a-ancien ayeke gi hio ti hinga aye ti yingo so atia lo. (Jacq. 5:14, 15) Tongana ade ti ninga pepe si zo ni ayeke fa tene mbeni pepe, maboko ti mbeni wafango tene ti kode alingbi ti sala si lo kiri lo fa tene. Ye oko, tongana a ninga so lo yeke ga na bungbi mbeni pepe, a yeke hunda ande peut-être mbeni maboko so ayeke nde. Ti leke mabe ti lo na kiringo singila ti lo, a yeke duti ande peut-être nzoni ti kiri ti manda Bible na lo na lege ti mbeni mbeti so alingbi na ni. Tongaso, fade surveillant ti kusala ayeke hunda na mbeni nzoni wafango tene ti mu li ni na mandango ye ni. (aHéb. 5:12-14; ba Akiringo tene na ahundango tene ti i na yâ ti Kusala ti Royaume ti nze ti mai 1999.) Tongana mo hinga mbeni zo so mara ti mungo maboko so alingbi na lo, sala tene ni na surveillant ti kusala ti kongrégation ti mo.
Kozo ti tisa na fango tene mbeni zo so ayeke fa tene mbeni pepe aninga awe, a hunda ti tene a-ancien use atingbi na lo ti ba tongana lo lë alengo so a hunda na mbeni wafango tene ti Royaume. Ala yeke sala ande gi tongana ti so ala yeke bungbi na afini zo so ayeke sala ngangu ti ga awafango nzo tene. (Ba La Tour de Garde ti 15 novembre 1988, l. 17.) A lingbi Chrétien so ayeke fa tene mbeni pepe afa na gigi tâ nzala ti fa nzo tene na azo, lo lë akota lengo so asala tene ni na lembeti 99 ti buku Notre ministère na lo ga lakue na abungbi ti kongrégation.
Fade anzoni ngobo ti salango ye na lege ti yingo ayeke mu maboko mingi na zo so akiri ti fa tene ti kpengba na ti bata anzoni songo ti lo na Jéhovah, na ti ngbâ ti tambela na ndo lege so ague na fini ti lakue lakue. (Mat. 7:14; aHéb. 10:23-25) Tongana zo tongaso asala ‘na bê kue’ na alë alengo ti Chrétien so aninga, fade lo yeke kiri mbeni pepe ti ga mbeni disciple Chrétien so ‘aduti senge wala alë lengo pepe.’—2 Pierre 1:5-8.