Sala Tene ti Témoin na Dutingo Mbeni Nzoni Voizin
1 Jésus atene: ti “Ndoye mba ti mo tongana mo mveni.” (Mat. 22:39, NW) Biani, mo “sala ye ti nzoni” na mbage ti afon mo wamabe, me mo lingbi ti kono ndoye ti mo na mbage ti azo so ayeke ndulu na mo? (aGal. 6:10) Tongana nyen?
2 Na fango tele ti mo mveni: Azo so ayeke ndulu na mo ahinga so mo yeke mbeni Témoin? Tongana ala hinga pepe, ngbanga ti nyen pepe ti sala vizite na ala na yâ fango tene. Ye ti pekoni alingbi ti dö bê ti e! Wala tongana mo ye, tara ti fa tene na ala na lege kue so azi. Tongana mo yeke na gigi, mo lingbi ti ba ala yeke sala kusala na yâ gbagba ti ala wala ala tambela gi tongaso na ndo ti lege. Ga ndulu na ala na ngia na yanga. Sala ngangu ti sala tene na ndo aye so e mä na bê dä, ndo so Da ti Royaume ayeke dä, na ye so ayeke tambela dä, na fa na ala ambeni zo nde so ayeke ndulu na ala so ayeke gue dä. Tisa ala na abungbi. Leke na bê ti sala tene ti témoin na ndo nzo tene na azo kue so mo hinga.—Kus. 10:42; 28:23.
3 Na lege ti nzo tambela ti mo: Tambela ti mo ti nzoni voizin asala tene mingi na ndo ti mo na alingbi ti zi lege na mbeni fango tene. A “sepela nzo tene ti Nzapa” nga. (Tite 2:7, 10) Fa tâ bingo bê na azo so ayeke ndulu na mo. Sala ye na nzobe nga na gbungo nda ti ye. Yekia nzala ti ala ti duti gi ala oko nga na yâ ndo so ayeke kpö. Tongana tele ti mbeni oko na popo ti ala aso, sala nzobe na mu maboko. Tongana mbeni fini sewa aga na yâ vaka ni, zia mo yamba ala tongana mo hon na tele ti da ti ala. Akusala tongaso so a sala na nzobe ayeke pika bê na anzere na Jéhovah.—aHéb. 13:16.
4 Na lege ti dutingo ti da ti mo: Ti duti mbeni nzoni voizin a hunda ti bata da ti mo nzoni si a duti pendere. Da nga na gbagba so ayeke na saleté pepe na so agboto lê ti azo asala tene ti témoin. Me da so ayeke na saleté wala so ayeke na akungba so angbâ gi tongaso kirikiri na yâ gbagba ni alingbi ande ti sala si azo amä tokua ti Royaume ni pepe. Tongaso, a yeke kota ye mingi ti bata da, gbagba, nga na kutukutu ti e na saleté pepe nga nzoni.
5 Bingo bê teti azo so ayeke na gigi ti kongrégation ti aChrétien afa ndoye so mo yeke na ni teti azo so ayeke ndulu na mo. Ye ti pekoni alingbi ti duti nyen? A lingbi biani ti sala si teti ‘ala ba nzo kusala ti mo awe,’ fade ambeni na popo ti ala ayeke “mu gloire na Nzapa.”—1 Pi. 2:12.