Teti so akaï fadeso awe salango abonema na Tour ti Ba Ndo nga na Réveillez-vous!, a hunda ti sala ngangu ti tene e, nga na azo so e yeke fa tënë na ala amanke numéro oko pëpe.

Ti mo mveni: Tongana abonema ti mo mveni ahunzi awe, a lingbi fadeso mo kono wungo ti apériodique ti mo mveni, nga na ala so mo yeke fa na tënë. A lingbi ababâ na mama asala komande ti wungo ti apériodique so alingbi, si zo kue na yâ sewa ni awara ti lo mveni. Sû iri ti mo na ndo ti périodique ti mo, si mo lingbi mû na azo pëpe na fango tënë tongana bê ti mo aglisa na ni. Tongana kongregation awara afini périodique, fade aita so ayeke bâ lege ni akangbi ni fade fade na Da ti Royaume.

Azo so e yeke zia lakue apériodique na ala: A lingbi awafango tënë asala ngangu kue ti leke mbeni kapa ti kangbingo apériodique na azo so ayeke na nzala ti wara anuméro nze oko oko. Na ziango apériodique tongaso na azo e mveni, fade a mû lege na e ti bi bê na ndo nzala so ala fa na gigi, na ti komanse amandango Bible.—Bâ Kusala ti Royaume ti nze ti octobre 1998, lembeti 6.

Azo so bezoin ti ala ayeke nde: Tongana mbeni zo afa tâ nzala ti bê ti lo teti apériodique me lo yeke lango na yâ ti territoire so ayeke ti mbeni kongregation pëpe, gi teti lo, a lingbi ti yeda si lo wara apériodique na lege ti abonema. Tongana mbeni zo so asala biani nzala ti tâ tënë alango na yâ territoire ti kongregation ni me lo lingbi pëpe ti wara lakue apériodique nze oko oko, sala tënë ni na Komité ti Kusala ti Kongregation. Tongana ala yeda, a lingbi ti sala abonema na zo ni. A yeke sala ande kusala na formulaire ti abonema (M-1 na M-101) ndali ni.

E lingbi ti hinga biani so fade Jéhovah ayeke ngbâ lakue ti deba nzoni na ndo ngangu so e yeke sala ti fa tënë ti Royaume na lege ti Tour ti Ba Ndo na Réveillez-vous!