Ye ti tene na ndo apériodique

Tour ti Ba Ndo 15 sept.

“Azo mingi amä na bê so ‘asaint’ ayeke na mbeni ngangu so ayeke nde, na a yeke nzoni mingi ti sambela na lege ti ala. Mo tene ti mo nyen? [Zia zo ni akiri tënë]. Bâ tënë so Jésus Christ atene lani [Diko Jean 14:6]. Ye so apusu ambeni zo ti hunda tënë na ndo sambelango ‘asaint’. Tour ti Ba Ndo so asala tënë na ndo kpengba-tene so.”

Réveillez-vous! 22 sept.

“Laso, azo mingi ayeke gi bê teti kusala ti aterroriste, nga salango kusala na asioni lê ti ngombe. Mo pensé so angorogbia ti azo alingbi ti kaï kusala ti aterroriste na ndo sese? [Zia zo ni akiri tënë]. Bible afa ye so Nzapa aleke ti sala [Diko Ezéchiel 34:28]. Réveillez-vous! so agi nda ti ambeni ye na ndo atënë so.”

Tour ti Ba Ndo 1 oct.

“Azo mingi ayeke hunda tele ti ala ti hinga wala, mbeni lâ, awusuwusu so e yeke bâ na tele ti e tongana abira, fango zo, na akusala ti ziango kota mbito na bê ti zo ayeke hunzi ande. Mo tene ti mo nyen? [Zia zo ni akiri tënë]. Bible amû dengo bê so [Diko Psaume 37:10, 11]. Périodique so afa ngbanga ti nyen ade Nzapa alungula pëpe sioni nga na pasi so sioni ayeke ga na ni.”

Réveillez-vous! 8 oct.

“Laso, wungo ti asewa so na yâ ni gi babâ wala mama oko si ayeke bata amolenge ayeke gue na li ni na mbeni lege so asala si li ti azo akpe. Bible afa so Wasalango e ayeke pensé na ala [Diko Psaume 146:9]. Réveillez-vous! so afa tongana nyen akpengba-ndia ti Bible alingbi ti mû maboko na babâ wala mama so ayeke gi lo oko ti bata amolenge ti lo nzoni.”