Ye ti tene na ndo apériodique

Tour ti Ba Ndo 1 sept.

“Azo mingi atene so ‘Testament ti Giriri’ amû anzoni sango na ndo aye so asi ândö. Me ala yeke hunda tere ti ala wala awango ti yâ ni alingbi na ngoi ti e. Mo tene ti mo nyen? [Zia zo ni akiri tënë. Na pekoni diko aRomain 15:4.] Mbeti so afa tongana nyen ‘Testament ti Giriri’ amû anzoni wango teti fini ti e ti lâ oko oko nga tâ beku ti kekereke.”

Tour ti Ba Ndo 15 sept.

“Mbi ye ti hinga tënë ti bê ti mo na ndo tënë so. [Diko Deuteronome 32:4.] Tongana Nzapa ayeke mbilimbili nga na ngangu kue, ngbanga ti nyen pasi na sarango sioni na zo ayeke mingi laso? Mo hunda tere ti mo lâ oko tongaso pëpe? [Zia zo ni akiri tënë.] Mbeti so afa ngbanga ti nyen Nzapa azia lege na sioni ti ngbâ juksa laso.”

Réveillez-vous! sept.

“E kue e ye ti duti na nzoni seni nga ti duti na fini aninga. Mo bâ ti mo so ti bâ gigi na nzoni lê alingbi ti sara si e duti na nzoni seni? [Zia zo ni akiri tënë. Na pekoni diko aProverbe 17:22.] Mbeti so afa ngbanga ti nyen a yeke nzoni ti duti na nzoni bango ndo.” Gboto lê na ndo ti article so ato nda ni na lembeti 26.

Tour ti Ba Ndo 1 oct.

“La oko mo tënë pëpe: ‘Tongana mbi hinga fade, ka mbi sara ye ni nde!’? [Zia zo ni akiri tënë.] Bâ tënë so a tene na ndo nda ni so ngoi na ngoi e kue bê ti e ayeke so na peko ti ye so e soro ti sara. [Diko Jéremie 10:23.] Mbeti so afa tongana nyen anzoni wango so e wara na yâ Mbeti ti Nzapa ayeke mû maboko na e ti soro aye nzoni.”

Réveillez-vous! oct.

“Mo bâ so sioni ayeke hara amolenge laso ahon giriri? [Zia zo ni akiri tënë.] Azo mingi ayeda so e yeke na yâ ti ngoi so a sara tënë ni ge. [Diko 2 Timothée 3:1-5.] Mbeti so amû anzoni wango so afa tongana nyen ababa na amama alingbi ti bata amolenge ti ala nde na azo so ayeke gi ti lango na amolenge.”