Ye ti tene na ndo apériodique

Tour ti Ba Ndo 15 oct.

“Tongana nyen mo lingbi ti fa na amolenge wala na ambeni zo ngbanga ti nyen asioni ye mingi ayeke si laso? [Zia zo ni akiri tënë]. Bible akiri tënë na hundango tënë: ‘Zo wa ayeke na peko ti aye ti sioni kue’? [Diko 1 Jean 5:19]. Numéro ti Tour ti Ba Ndo so ayeke mû ande maboko na mo ti hinga zo wa ayeke zo ti sioni so, na tongana nyen e lingbi ti ke lo.”

Réveillez-vous! 22 oct.

“Mo pensé ti mo so asambela ti amokonzi ti alege ti vorongo wala ti ambeni zo nde alingbi ti ga na siriri na ndo sese kue? [Zia zo ni akiri tënë]. Bible amû zendo ti mbeni ngoi so siriri ayeke mû sese mobimba [Diko Es. 9:5, 6]. Mo bâ so a tene mbeni mokonzi, so ayeke nde, ayeke ga ande na siriri na ndo sese kue? Réveillez-vous! so afa mokonzi ni ayeke zo wa, na tongana nyen lo yeke ga ande na tâ siriri.”

Tour ti Ba Ndo 1 nov.

“Mingi ti azo na popo ti e atara ti duti na siriri na amba ti ala. Ye oko, mo yeke yeda peut-être so a yeke ngangu pëpe ti tene ni, me ti sala ni aga tënë, ni la pëpe? [Zia zo ni akiri tënë]. Bible afa ngbanga ti nyen ayeke tongaso [Diko Jacques 3:2]. Article so afa tongana nyen hundango pardon alingbi ti duti kelele ti lekengo na ti batango siriri.”

Réveillez-vous! 8 nov.

“Prophétie ti Bible afa so mbeni ngoi ayeke ga so fade zo oko ayeke tene pëpe ‘Mbi yeke na kobela’ [Diko Esaïe 33:24]. So pendere ye la pëpe? [Zia zo ni akiri tënë]. Ye oko, laso, azo mingi ayeke bâ pasi na lege ti akobela nde nde so na popo ni kobela ti SIDA. Numéro ti Réveillez-vous! so akiri tënë na hundango: Fade a yeke kanga lege na SIDA mbeni lâ?”