Ye ti tene na ndo apériodique

Réveillez-vous! 8 oct.

“Nyongo sämba ahon ndo ni ayeke ga na akpale mingi. Périodique so afa aye so sämba alingbi ti sala na tele ti zo. [Fa foto so ayeke na lembeti 7.] Mbeti so asala tënë na ndo ti aye so azo alingbi ti sala ti zia ti nyon sämba ahon ndo ni, na a fa nga aye so ambeni zo alingbi ti sala ti mû maboko na ala.”

Tour ti Ba Ndo 15 oct.

“Ti mingi ti azo, mandango mbeti ayeke zi lege na ala ti wara nzoni na yâ ti fini ti ala. Mo pensé so mbeni fango ye ayeke dä, so alingbi ti sala si gigi ti mo zo aga nzoni na amû lege na mo ti hon ndo ti akpale ti lâ oko oko? [Zia zo ni akiri tënë, na diko aRomain 12:2.] Périodique so afa tongana nyen e lingbi ti wara ye ti nzoni na lege ti fango ye so ayeke pendere ahon atanga ni laso.”

Réveillez-vous! 22 oct.

“Lâ oko oko, azo mingi ayeke na ngia ti diko ambeti-sango. Ti mo, e lingbi ti zia bê ti e na atënë kue so ayeke na yâ ti ambeti-sango? [Zia zo ni akiri tënë.] Périodique so afa aye so e lingbi ti sala ti wara aye ti nzoni na yâ ti ambeti-sango so e yeke diko. A fa nga ngbanga ti nyen a lingbi e sala hange na aye so ayeke na yâ ni.” Diko aProverbe 14:15.

Tour ti Ba Ndo 1 nov.

“Mingi ti azo ayeke gi bê ti ala ngbanga ti aye ti kirikiri so ayeke na ndo ti sese so. Ti mo, mbeni zo alingbi biani ti changé aye so? [Zia zo ni akiri tënë.] Périodique so asala tënë na ndo ti aye so akanga lege na azo ti changé dunia ni. A fa nga zo so alingbi ti hunzi akpale ni na ti sala si sese akiri awara tâ siriri nga azo aduti nzoni dä.” Diko Psaume 72:12-14.