Atënë so i hunda

◼ Tongana e yeke fa tënë na téléphone, a lingbi e sala tënë ti mungo offrande na bê kue?

Tongana e mveni e yeke fa tënë, lege alingbi ti duti dä ti fa so a yeke a-offrande so a mû na bê kue si amû maboko na kusala ti aTémoin ti Jéhovah ti fango ye na ndo Bible na dunia mobimba; nga e yeke na ngia ti yeda na a-offrande tongaso. Ye oko, a lingbi a sala tënë oko pëpe ti mungo offrande na bê kue tongana e yeke fa tënë na téléphone. A lingbi ti bâ ni tongana hiringo nginza na téléphone. Kusala ti aTémoin ti Jéhovah ayeke ti dengo buze oko pëpe.​—2 aCor. 2:17.

◼ Tongana e yeke fa tënë na téléphone, a lingbi e sala nyen tongana mbeni zo ahunda ti tene aTémoin ti Jéhovah akiri ahiri lo mbeni pëpe?

A yeke nzoni a sala ye alingbi na ye so zo ni aye. A lingbi a zia na yâ nilon ti carte ti territoire mbeti so a zia na ndo ni lango so lo tene na tënë ni nga na iri ti lo, si awafango tënë ayeke kpe ande ti hiri numéro ti lo. Fani oko na yâ ti ngu oko, a yeke kiri ti bâ iri ti azo so ahunda ti tene e hiri ala pëpe. Na gbe ti fango lege ti surveillant ti kusala, a lingbi ti mû kusala na awafango tënë so ayeke na kode mingi ti bâ azo tongaso, ti hinga wala ala ngbâ lakue ti bata a-oko bibe so.