Ye ti tene na ndo apériodique

Tour ti Ba Ndo 15 août

“Mingi ti azo abâ na nene ni warango nzoni iri. Ambeni même ahunda tele ti ala na ndo tongana nyen a yeke dabe ande na ala na peko ti kuâ ti ala. Mo bi bê ti mo mbeni lâ awe na ndo ni? [Zia zo ni akiri tënë. Na pekoni diko Zo-ti-fa-tene 7:1]. Tour ti Ba Ndo so asala tënë na ndo tongana nyen e lingbi ti wara mbeni nzoni iri na lê ti azo nga na gbele Nzapa.”

Réveillez-vous! 22 août

“Tongana mo wala mbeni zo ti sewa ti mo aluti mbeni lâ awe na gbele salango ye ti ngangu, mo hinga awe vundu so aye ti tene; ni la pëpe? [Zia zo ni akiri tënë]. Numéro ti Réveillez-vous! so amû awango so alingbi teti azo so amba ti ala asala ngangu na ala. A sala nga tene na ndo zendo ti Nzapa ti mbeni ngoi so fade a yeke zi azo biaku biaku na gbe ti mara ti akpale tongaso.” Diko Michée 4:4.

Tour ti Ba Ndo 1 septembre

“Mingi ti azo atene so alege ti vorongo ndenge na ndenge ti sese so ayeke gi alege nde nde ti si na ye oko. Ambeni amä na bê so tâ lege ti vorongo ayeke gi oko. Mo hunda tele ti mo na ndo tënë so awe? [Zia zo ni akiri tënë]. Mbeti so asala tënë na ndo ti mbeni ngbele toli so azi nda ti hundango tënë so nzoni.” Gboto lê na ndo Matthieu 13:24-30.

Réveillez-vous! 8 septembre

“Fini kode ti yungo bongo wala ti salango tele pendere ayeke sala ngangu mingi na ndo gigi ti gbâ ti azo laso. Ambeni zo abâ ti ala so a yeke gboto lê mingi na ndo bongo so azo ayeke yü nga na kode so ala leke na tele ti ala pendere. Mo tene ti mo nyen? [Zia zo ni akiri tënë]. Réveillez-vous! so afa mbeni nzoni bango ndo na ndo kode ti yungo bongo nzoni.” Diko aColossien 3:12.