Ye ti tene na ndo apériodique

Réveillez-vous! 8 août

“Azo mingi ayeke lakue gi na mbito. Ti mo, ye wa asala si mbito amû ndo kue? [Zia zo ni akiri tënë.] Périodique so afa ambeni ye so e lingbi ti sala ti tene e bata tele ti e na aye so alingbi ti gue na e ti wara kpale. A sala nga tënë ti zendo ti mbeni sese so mbito ayeke duti na yâ ni pëpe, zendo so Bible amû.” Diko Esaïe 11:9.

Tour ti Ba Ndo 15 août

“Tonga mbeni zo so e ndoye lo mingi akui, e yeke hunda tele ti e ti hinga ye so asi na lo biani. Mo pensé so zo alingbi ti hinga tënë na ndo ye so a hiri ni kuâ? [Zia zo ni akiri tënë.] Mbeti so afa ye so Bible atene na ndo dutingo ti akuâ. A fa nga tënë ti zendo so Nzapa amû ti zingo asewa ti e so akui awe.” Diko Jean 5:28, 29.

Réveillez-vous! 22 août

“Mo hinga so azo mingi ayeke wara kua ti nginza ndali ti gango ti atouriste? [Zia zo ni akiri tënë.] Gango ti atouriste mingi mingi ayeke ga na aye ti nzoni me nga na akpale. Périodique so afa aye ti nzoni nga na akpale so ayeke ga laso na lege ti ala. A fa nga na azo so ayeke gue na ayongoro tambela na akodoro nde nde tâ ye so ala lingbi ti sala ti wara nzoni.”

Tour ti Ba Ndo 1 septembre

“Laso, dutingo be-ta-zo ayeke mbeni nzoni salango ye so azo ayeke gonda ni mingi gi na yanga me ala yeke sala ye alingbi na ni pëpe. A nzere na mo pëpe tongana azo mingi asala ye tongana ti kamarade so Bible asala tënë ti lo ge? [Diko aProverbe 17:17. Zia zo ni akiri tënë.] Mbeti so asala tënë ti aye ti nzoni so zo so aduti be-ta-zo na azo ti sewa ti lo nga na akamarade ti lo ayeke wara ni.”