Ye ti tene na ndo apériodique

Réveillez-vous! 22 janv.

“Bâ, so ayeke ye so iri ti Nzapa akpa ni na yanga ti Hébreu. [Fa peko ti mbeti ni.] Ambeni zo amä na bê so a lingbi a di iri so lâ oko pëpe na kota go. Ambeni ayeke sala kusala na ni tongana ti so bê ti ala aye. Numéro ti Réveillez-vous! so ayeke fa na gigi nda ti abibe nde nde so. A sala nga tënë na ndo lege so e lingbi ti manda ti hinga Nzapa na lege ti iri ti lo.” Diko Psaume 83:19.

Tour ti Ba Ndo 1 fév.

“Mingi na popo ti e ayeke sala ngangu ti bata seni ti e ti mitele. Ye oko, ade ti ninga pëpe mbeni gingo nda ti ye afa so dutingo ti e na lege ti yingo andu nga nzoni duti ti e ti mitele. Mo bâ so alingbi ti duti tongaso? [Mä kiringo tënë ti zo ni. Na pekoni diko Matthieu 5:3.] Numéro ti Tour ti Ba Ndo so afa tongana nyen e lingbi ti kaï nzara ti e na lege ti yingo.”

Réveillez-vous! 8 fév.

“Laso, mingi ti azo ayeke na aye mingi ti bâ lege ni, na tongaso a hunda ti tene ala wara mbeni ngoi mingi ti hu tele. Peut-être mo yeke yeda ande na atënë so a sû ni ahon angu 3 000 tongaso awe. [Diko Zo-ti-fa-tene 4:6. Na pekoni zia zo ni akiri tënë.] Numéro ti Réveillez-vous! so afa na zo lege ti hinga nga ti sala ye na gbele kpale ti warango pëpe ngoi so alingbi ti lango.”

Tour ti Ba Ndo 15 fév.

“Gbâ ti azo ayeke gi bê ti ala teti aye ti sioni so a yeke sala na iri ti lege ti vorongo. Ambeni atene so lege ti vorongo la ayeke na gunda ti akpale ti azo. Mo hunda tele ti mo mbeni lâ na ndo tënë so awe? [Zia zo ni akiri tënë. Na pekoni diko Apocalypse 18:24.] Mbeti so afa ye so Bible atene na ndo tënë so.”