Ye ti tene na ndo apériodique

Réveillez-vous! 8 fév.

“Mbeni oko ti akota kpale so e yeke luti na gbele ni laso ayeke aye so asala ngangu na ndo bibe ti zo. Ti mo a yeke tongaso pëpe? [Zia zo ni akiri tënë.] Bible afa kozoni polele so ye ni ayeke si tongaso. [Diko 2 Timothée 3:1.] Mbeti so amû atâ wango so alingbi ti mû maboko na mo ti hon ndo ti ye so asala ngangu na ndo bibe ti zo.”

Tour ti Ba Ndo 15 fév.

“Ngoi na ngoi, e yeke mä atondo so afa tënë ti mbeni salango miracle. [Fa mbeni tapande ni.] Ambeni zo ayeke mä na bê na atondo so. Me ambeni nde ake ni na kuru go. Mbeti so afa wala amiracle so a sala tënë ni na yâ ti Bible asi lani biani, na mara ni angbâ ti si nga laso.” Diko Jérémie 32:21.

Réveillez-vous! 22 fév.

“Giriri, Nzapa ahunda na amolenge ti yekia mama legeoko tongana ti so a hunda ti sala na babâ ti ala. [Diko Exode 20:12.] Mo bâ so a yeke yekia amama laso tâ na lege ni? [Zia zo ni akiri tënë.] Mbeti so asala tënë ti akpale so amama ayeke wara na yâ ti akodoro nde nde, na a fa nga tongana nyen ala yeke hon ndo ti akpale so.”

Tour ti Ba Ndo 1 mars

“Mo pensé ti mo so sese ayeke duti ande mbeni pendere ndo tongana azo kue asala ye alingbi na wango so? [Diko aRomain 12:17, 18. Na pekoni zia zo ni akiri tënë.] Mawa ni ayeke so ngoi na ngoi e yeke na abango ndo nde nde. Mbeti so afa tongana nyen salango ye ague oko na wango ti Bible alingbi ti mû maboko na e ti leke atiri na ti kiri ti sala siriri.”