Mbeni lege ti mû maboko na ala

Atâ Chrétien ayeke mû mbage na yâ kusala so a sala na gbele azo kue ti kangbi nzo tënë (aPhil. 2:17). Ti sala ye so, a zia ambeni brochure, tract nga na a-article na ayanga ti kodoro 20 na ndo Internet na www.watchtower.org. A leke ye so pëpe ti kangbi afini mbeti na aTémoin ti Jéhovah. A yeke ti mû na azo kue atâ sango na ndo ye so aTémoin ti Jéhovah ayeke fa na ndo Bible.

Ade ti ninga pëpe, a kiri a zia mbeni kota ye na ndo adresse ti e so ayeke na ndo Internet. A yeke brochure Ye Wa Nzapa Ahunda na E? na ayanga ti kodoro 220. Nga, a to nda ni na numéro ti 1 janvier na 8 janvier ti ngu 2004, a yeke wara adresse so na ndo ndangba lembeti ti Tour ti Ba Ndo na Réveillez-vous! na ayanga ti kodoro kue.

Mo lingbi ti sala kua na ye ti kusala so tongana nyen? Peut-être mo lingbi ti tingbi na mbeni zo so asala nzara ti tâ tënë me so amä nzoni gi yanga ti mbeni kodoro nde. Tongana lo lingbi ti gue na ndo ti Internet, mo lingbi ti fa na lo adresse ni na ndo ndangba lembeti ti Tour ti Ba Ndo wala Réveillez-vous! Na lege so, lo lingbi ti gi yâ ti brochure Ahunda na yanga ti kodoro ti lo juska mo gue na lo na mbeni mbeti na yanga ti kodoro ti lo. Wala mo lingbi ti sala tënë ti vizite ni na kongregation wala groupe so ayeke bâ lege ti yanga ti kodoro ti lo.