A leke Site ti e—Ti mû maboko na e nga na ambeni zo
Jésus amû yanga na e ti fa nzoni tënë ti Royaume “na ndo ti sese kue so azo ayeke dä tongana mbeni tënë ti témoin ndali ti amara kue.” (Mat. 24:14). Ti mû maboko na e ti ‘sara kusala ti e ni kue,’ a mû www.watchtower.org, www.jw-media.org, na www.pr2711.com a bungbi ni kue oko aga site jw.org.—2 Tim. 4:5.
“Na ndo ti sese kue so azo ayeke dä”: Tongana a mû azo na yâ ti kodoro ota, oko ayeke sara kusala na Internet. Internet aga ye so azo ayeke sara kusala na ni mingi ti wara na sango, mingi na popo ni ayeke amaseka. Site ti e ayeke mû lege na azo so asara kua na ni ti wara atâ kiringo tënë na ahundango tënë ti Bible. A yeke mû maboko na ala ti hinga bungbi ti Jéhovah nga a yeke ngangu pëpe ti hunda ti manda Bible senge senge na yanga-da ti ala. Tongaso lege ayeke dä ti tene nzoni tënë alï na yâ ti akodoro so azo awara lege mingi pëpe ti mä tënë ti Royaume.
“Amara kue”: Tongaso ti sara tënë ti témoin ndali ti “amara kue”, a lingbi a fa tâ tënë ti Bible na ayanga ti kodoro nde nde. Azo so ayeke gue na ndo ti jw.org alingbi ti wara asango na ayanga ti kodoro mingi ahon tanga ti asite kue.
Sara kua na ni nzoni: Site jw.org so a kiri a leke yâ ni ayeke gi pëpe ndali ti azo so ayeke aTémoin ape. Me a leke ni nga ti tene aTémoin ti Jéhovah asara na kusala. Bâ na gbe ni ge ambeni wango so afa tongana nyen ti sara kusala na ni. Tongana mo gue na ndo ti Internet, e wa mo ti gi ti hinga ye na ndo ti jw.org.
[Foto na lembeti 3]
(Ti bâ ni mbilimbili, gue na yâ ti mbeti ni)
Tara ni
1 Gue na ndo ti Internet na place ti adresse, pika www.pr2711.com.
2 Ti hinga ye na yâ ti site ni, cliqué mbeni oko ti ali ti tënë so ayeke na nduzu; a yeke sigigi na mo molongo ti ali ti tënë na mbage ti wali. Cliqué mbeni oko na popo ni na ayeke sigigi na mo ambeni tënë so mo lingbi ti bâ ni.
3 Tara ti sara kua na jw.org na ndo ti téléphone portable ti mo tongana Internet ayeke dä. Lê ti écran ni ayeke kete, me asango ti yâ ni kue ayeke gi oko.