Atënë so i hunda

◼ Tongana nyen mbeni zo alingbi ti wara Tour ti Ba Ndo nga na Réveillez-vous! teti lo mveni?

Ngbele ye so a kaï abonema teti anuméro ti Tour ti Ba Ndo, ti Réveillez-vous! nga na ti akasete ni na ayanga kue, awafango tënë kue alingbi ti wara apériodique ti ala na lege ti kongregation ti ala. Ye oko, a lingbi ti tokua apériodique na yanga ti Braille (ti awaziba) nga na akasete na azo so alingbi na ni, teti so a yeke kä ni pëpe. Na ndo Demande pour congrégation (M-202-F), akongregation alingbi ti hunda apériodique ti ayanga nde nga na so agere-mbeti ni akono.

Tongana mbeni zo na territoire ti mo ahunda ti wara apériodique lakue lakue, zia si mo sala kue ti tene mo gue na ni na lo sân ti tene numéro oko amanke lo. Ala so a bi ala na gigi ti bungbi alingbi ti wara apériodique wala ambeni mbeti nde teti ala mveni na Da ti Royaume. A lingbi e yôro pëpe na popo ti azo so e yeke zia lakue apériodique na ala azo so a bi ala na gigi ti bungbi.

Filiale abata gi abonema ti azo so mbeni wafango tënë ti kongregation alingbi pëpe ti mû na ala apériodique lakue lakue. Tongana Komite ti kusala awara abonema ti ambeni zo so alingbi pëpe ti wara apériodique na mbeni lege nde, fade secrétaire ayeke sû mbeni kete tënë so afa atene Komite ti kusala ti kongregation abâ mbeti ti abonema ni awe na ayeda na ni.

So ti tene, a lingbi awafango tënë atokua mbeti pëpe na biröo ti filiale ti hunda abonema teti ala mveni. A-abonema kue so awafango tënë na ala so asala nzara ti tâ tënë ahunda, fade a yeke kiri na ni na kongregation.

◼ Tongana nyen mbeni zo ti kanga alingbi ti wara apériodique teti lo mveni?

Tongana mbeni kongregation so ayeke bâ lege ti fango tënë na yâ mbeni da ti kanga alingbi ti mû apériodique na azo ti kanga so ayeke kâ, mbeni zo ti kanga alingbi ti wara teti lo mveni Tour ti Ba Ndo nga na Réveillez-vous! na ngoi ti avizite ti aita. Tongana lege ayeke dä pëpe ti sala tongaso, zo ti kanga ni alingbi ti hunda abonema na sungo mbeti lo mveni na biröo ti filiale. Zia i hinga nga so ala so a bi ala na gigi ti bungbi si a kanga ala, ala lingbi nga ti wara apériodique teti ala mveni tongana ti so a fa pekoni na yâ ti paragraphe so.