Fini ye so a leke ti mû maboko na e ti ke mênë
Kozoni, Wabatango Bungbi abâ nzoni ti mû na e mbeti Instructions médicales/Attestation prévisionnelle (karte Pas de sang). Me ti fadeso, lo bungbi ni na mbeni mbeti nde si a ga mbeni mbeti oko so ndia ayeda na ni, na a iri mbeti ni so Instructions médicales/Désignation d’une personne de confiance. Na yâ ti article so, e yeke di iri ti fini mbeti so karte DPA.
A yeke hunda ande na mo gi ti sû karte DPA so alingbi na kodoro ti mo. Karte ni ayeke ngbâ lakue na ngangu na ndo kue so mo gue dä na yâ ti kodoro ti mo wala na kodoro wande, na a hunda na mo ti changé ni ngu na ngu pëpe. Lo yeke fa tënë ti bê ti mo na ndo tënë ti mênë. Mo lingbi ti wara ande mbeni fini karte DPA so gi tongana (1) a hunda ti gbian ambeni ye na yâ ti karte ni, aye tongana tënë ti bê ti mo, zo so mo soro lo ti sara tënë na iri ti mo, a-adresse ni nga na anuméro ti téléphone ni, wala tongana (2) mo girisa karte DPA ti mo ni wala a buba.
A lingbi mo diko atënë ti yâ ti karte DPA ni nzoni na mo sambela Jéhovah. Na pekoni awe, mû ngoi ti sû ni nzoni na yanga-da. Me kozoni si mo sû maboko ti mo na gbe ti karte ni, a lingbi mo sara ye tâ gi tongana ti so a fa na yâ ni. Na tapande, tongana karte ni ahunda ti tene azo use si aduti na tere ti mo ti bâ mo na sungo maboko ti mo na gbe ti karte ni, a lingbi ala duti dä. Asurveillant ti Mandango Buku alingbi ngoi na ngoi ti bâ wala a hunda ti tene a mû maboko na aita so ade ti sû karte ni pëpe.
Kozo ti tene mo kungbi yâ ti karte ni osio, sara mbeni photocopie ni ndali ti zo so mo soro lo ti sara tënë na iri ti mo, ndali ti use zo so mo soro lo, ndali ti docteur nga ndali ti mo wani. Mo lingbi ti sara ni nga ndali ti ambeni zo ti sewa ti mo nga ndali ti secrétaire ti kongregation ti mo. Na ngoi so mo sara photocopie ni, zia si lê ti atënë ni asigigi nzoni na a lingbi mo sara ni gi na ndo lê ti mbeti ni na mbage oko (so konongo ni ayeke 21,59 cm x 27,94 cm). A yeke nzoni a ba kirikiri pëpe. Me tâ lo karte ni wani, a lingbi lo duti na tere ti mo lakue.
Carte d’identité so a sigigi na ni na 3/99 ndali ti amolenge ti aTémoin so ade ti wara batême pëpe agbian ti lo pëpe. A lingbi ababâ na mama abâ nzoni si amolenge ti ala so ade ti wara ngu 18 pëpe asû karte ni nzoni nga so ala sû maboko ti ala na gbe ni. Na nga ala yeke bâ si amolenge ni ayeke na karte ni na tere ti ala.
Awafango tënë so ade ti wara batême pëpe alingbi ti mû atënë ti yâ ti karte DPA nga ti Carte d’identité ti sû ni ndali ti ala wani nga ndali ti amolenge ti ala. A lingbi secrétaire ni amû karte DPA na afini zo so awara batême na yâ ti ngu ni.