Ye ti tene na ndo apériodique

Tour ti Ba Ndo 1 mars

“Mingi ti azo ayeda so a lingbi e ndoye amba ti e, legeoko tongana ti so Jésus atene lani na e na yâ aversê so. [Diko Jean 13:34, 35.] Na ndo wa la e lingbi ti wara azo so ayeke sara ye na yâ ti fini ti ala alingbi na aye so Jésus afa? [Zia zo ni akiri tënë.] Réveillez-vous! so afa tongana nyen e lingbi ti hinga atâ Chrétien laso.”

Tour ti Ba Ndo 15 mars

“Mingi ti e ahinga vundu so aga tongana ala girisa asewa ti ala so ala andoye. Mo hinga zendo ti dengo bê so ayeke ge so? [Diko Kusala 24:15. Na pekoni, zia zo ni akiri tënë.] Ye oko, azo mingi ayeke hunda tere ti ala ti hinga azo wa ayeke zingo ande? Ye ni ayeke si lawa nga na ndo wa? Périodique so amû akiringo tënë ti Bible na ndo ahundango tënë so.”

Réveillez-vous! mars

“Azo mingi apensé so Jésus ayeke Nzapa. Ye oko, disciple ti Jésus, Pierre, afa lo tongana Molenge ti Nzapa. [Diko Matthieu 16:16.] Mo pensé so gi Jésus oko so alingbi ti duti Nzapa nga Molenge ti Nzapa? [Zia zo ni akiri tënë.] Article so ge na lembeti 12-13 asara tënë na ndo ti tënë so nga afa bango ndo ti Bible na ndo ni.”

Tour ti Ba Ndo 1 avril

“Azo mingi ahinga tâ tënë so ge, so agboto lê na ndo nene ti wara hingango ye ti Nzapa. [Diko Matthieu 4:4.] Ye oko, azo mingi abâ so a yeke ngangu na ala ti gbu nda ti Tënë ti Nzapa. Mo bâ ti mo ni tongana nyen? [Zia zo ni akiri tënë.] Périodique so amû ambeni wango so alingbi ti mû maboko na mo ti gbu nda ti Bible.”

Réveillez-vous! avril

“Azo mingi ayeke gi ti wara nzoni duti, me gi kete wungo ti ala si ayeke wara ni. Ti mo, ambeni ti aye so a fa molongo ni ge alingbi ti mû maboko na azo ti wara ngia na yâ ti fini ti ala? [Fa encadré ti lembeti 9. Na pekoni, diko mbeni versê oko so a fa na yâ ni.] Réveillez-vous! so asara tënë na ndo ti aye so Bible afa ti tene zo awara tâ ngia na yâ ti fini ti lo.”