Ye ti tene na ndo apériodique

Tour ti Ba Ndo 15 mars

“Mo bâ so afango ye ti Jésus ayeke mû maboko na ngoi ti e? [Zia zo ni akiri tënë]. Kite ayeke pëpe so fade mo yeke yeda na komandema so Jésus amû giriri na ndangba lango ti fini ti lo [Diko Jean 15:12]. Jésus afa nga lani na lango ni so ambeni kpengba ye ti manda. Tour ti Ba Ndo so afa tongana nyen e lingbi ti wara aye ti nzoni na lege ti aye so.”

Réveillez-vous! 22 mars

“Mo hinga so, laso, azo mingi abâ so a yeke ngangu na zo ti lango nzoni? [Zia zo ni akiri tënë]. Gingo bê alingbi ti duti na gunda ti kpale so [Diko Zo-ti-fa-tene 5:11]. Périodique so afa ambeni ye so asala si lango ayeke gbu lê ti zo pëpe, na lo mû awango so alingbi ti mû maboko na ndo lege so e lingbi ti maï kode ti lango ti e.”

Tour ti Ba Ndo 1 avril

“Ge, a sala tënë ti kobe so azo ayeke hiri ni ka kobe ti Seigneur [Fa kozo na ndangba lembeti ti périodique ni]. Mo hinga so a yeke gi oko matanga so a hunda na aChrétien ti dabe na ni? [Zia zo ni akiri tënë. Na pekoni diko Luc 22:19]. Périodique so afa ngbanga ti nyen matanga so ayeke na nene ni mingi, na tongana nyen a ndu mo.”

Réveillez-vous! 8 avril

“A yeke tâ ye ti vundu pëpe ti bâ so fini ti amaseka mingi abuba na lege ti nyongo ambangi? [Zia zo ni akiri tënë]. Fani mingi akpale ni ato nda ni na ngoi so amaseka ni abungbi na azo ti sioni [Diko 1 aCorinthien 15:33]. Réveillez-vous! so afa ye so ayeke sala ngangu na ndo amaseka ti to nda ti nyon ambangi, nga ye so ababâ na mama alingbi ti sala ti bata ala.”