Ye ti tene na ndo apériodique

Tour ti Ba Ndo 1 juillet

“Na yâ ti sese ti laso, so aye ti wusuwusu ayeke dä mingi, azo mingi ayeke hunda tere ti ala: ‘Ngbanga ti nyen fini ti azo asi singo na akpale? Tongana Nzapa ayeke dä, ngbanga ti nyen lo sara mbeni ye pëpe ti zi azo na yâ ti pasi?’ Mo hunda tere ti mo ti hinga nda ni awe? [Zia zo ni akiri tënë.] Na yâ ti périodique so, Bible akiri tënë polele na ahundango tënë so.” Diko 2 Timothée 3:16.

Tour ti Ba Ndo 15 juillet

“Mo pensé so mbeni la e lingbi ti wara mbeni ngorogbia so ayeke hunzi akpale ti azo kue? [Zia zo ni akiri tënë.] Na Matthieu 6:9, 10, Jésus afa na adisciple ti lo ti sambela ngbanga ti ngorogbia so. [Diko versê ni.] Périodique so afa ngbanga ti nyen Royaume ti Nzapa ayeke kota ahon angorogbia ti azo. A fa nga aye ti nzoni so azo ayeke wara ande na lege ti Royaume so.”

Réveillez-vous! juillet

Tongana mo tingbi na mbeni maseka, mo lingbi ti tene: “Mingi ti amba ti mo ayeke gbu li ti ala mingi na ndo ti mariage. Ti mo, na ndo wa la mo lingbi ti wara anzoni wango na ndo ni? [Zia zo ni akiri tënë.] Versê so afa zo so azia na sese gere ti kozo mariage. [Diko Matthieu 19:6.] Périodique so afa ambeni kpengba-ndia ti Bible so ayeke mû ande maboko na e ti sara mbeni nzoni mariage.”

Tour ti Ba Ndo 1 août

“E kue e hinga so azo ayeke sara pasi mingi na amba ti ala laso. Ti mo, ye so ayeke gbian tongana azo mingi asara ye alingbi na atënë ti Jésus so? [Diko Matthieu 7:12. Na pekoni, zia zo ni akiri tënë.] Périodique so afa ye so Bible atene na ndo lege so fade azo ayeke kiri ti wara nengo so ala lingbi na ni.”

Réveillez-vous! août

“Batango seni ti e ayeke ye so agbu bê ti e mingi. Mo hinga so mingi ti akota wanganga laso ayeke yeda hio pëpe ti mû mênë na zo? [Zia zo ni akiri tënë.] Périodique so afa ngbanga ti nyen. Afa nga na lege ti Bible ngbanga ti nyen Nzapa abâ mênë tongana mbeni ye so ayeke na kota ngere mingi.” Diko Lévitique 17:11.