Lettre ti filiale

Awafango tënë ti Royaume:

Na ngu so ahon, na mbeni mbage ti kodoro ti Amerika, akota pupu so aga na ngu abuba aye ti aita saki mingi. E kiri singila mingi na ala ndali ti maboko so ala mû na ndoye na aita ti e so awara kpale so.​—Jean 13:35.

Mbeni ita-koli so akpe kodoro ti lo ndali ti mara ti kota pupu so atene: “E ga lani gi na bongo so ayeke na tere ti e. Me aita amû maboko na e. Ala yamba e lani nzoni mingi nga ala ye ti tene e ngbâ na ndo ti ala.”

Ambeni ita 8 000 na ndo ni tongaso amû ngoi ti ala, kode ti ala nga na nginza ti ala ti mû maboko na aita so ayeke na yâ ti kpale. Ala kue ayeke sara kua na yâ ti aKomite 60 so abâ tënë ti lekengo aDa ti Bungbi ti e na yâ ti akodoro nde nde. Ala leke aDa ti Royaume 86 nga na ada ti lango 4 178 so abuba. Ambeni Da ti Royaume ni 5 nga na ada ti lango 722 angbâ ti tene a leke ni. Aita alondo na ambage nde nde ti kodoro ni ti mû maboko. Bê ti e asi na singila mingi ndali ti ngangu kusala so ala sara na ndoye!​—1 aThess. 5:18.

Mbeni ita-wali ti kodoro ti Michigan (na Amerika) so ayeke na yâ ti Komite ni so atene: “Ti bâ ngia so asewa awara ni ndali ti so e kiri e leke da ti ala fini fini amû na mbi ngia mingi. Mbi hinga tongana nyen si mbi lingbi ti fa singila ti bê ti mbi ndali ti dutingo na yâ ti pendere bungbi ti aita so pëpe.”

Zia si ala ngbâ lakue ti sambela ndali ti aita ti e, ala so ye ti ngangu asi na ala nga ala so ayeke mû maboko na aita ni so.​—2 aCor. 1:11.

Aita ti ala,

Filiale