Ye ti tene na ndo apériodique

Tour ti Ba Ndo 1 janv.

“Mo pensé so a yeke gi na lege ti gbâ ti mosoro so mbeni zo ayeke na ni si a lingbi ti tene so lo ga zo awe? [Zia zo ni akiri tënë. Na pekoni diko 1 Timothée 6:9, 10.] Atâa so Bible ake tënë ti dutingo na nginza pëpe, lo tene pëpe so a yeke na lege ti warango mosoro si zo aga zo. Mbeti so afa nda ni.”

Réveillez-vous! janv.

“Mo bâ so mingi ti azo so atene ala yeke aChrétien asara ye pëpe alingbi na afango ye ti Jésus? [Zia zo ni akiri tënë.] Na tapande, mingi ti azo asara ye pëpe alingbi na tënë ti Jésus so. [Diko Jean 13:35.] Article so asara tënë na ndo kangbi so ayeke na popo ti aye so Jésus afa na bango ndo ti azo mingi so atene ani yeke aChrétien.” Gboto lê na ndo article so a to nda ni na lembeti 18.

Tour ti Ba Ndo 1 fév.

“Mo pensé so kodoro ti e ayeke duti fade nzoni tongana azo asara ye alingbi na tënë so? [Diko aEphésien 4:25, na pekoni zia zo ni akiri tënë.] Azo mingi abâ ti ala so na yâ ti ambeni ye tenengo mvene ayeke nzoni. Mbeti so afa aye ti nzoni so ayeke ga tongana zo atene lakue tâ tënë.”

Réveillez-vous! fév.

“Tongana e bâ laso na yâ ti ambeni kodoro, bango ndo ti azo na ndo abungbi ti nzapa agbian. Mo pensé ti mo so abungbi ti nzapa ti laso ayeke na ngangu na ndo ti azo mbeni pëpe? [Zia zo ni akiri tënë.] Tënë ti bazengele Paul so afa na e nda ni so azo mingi azia bê ti ala mbeni pëpe na abungbi ti anzapa. [Diko Kusala 20:29, 30.] Mbeti so afa ye so Bible atene na ndo ye so ayeke si na eglize kue so atene ani yeke ti Christ.”