Ye ti tene na ndo apériodique

Tour ti Ba Ndo 15 janv.

“Teti so tukungo mênë ahon ndo ni na ngoi ti e, mo pensé so sioni alingbi ti hon ndo ti nzoni? [Zia zo ni akiri tënë]. Bâ tënë so Bible atene na ndo Nzapa. [Diko Psaume 83:19b]. Teti so Nzapa ayeke Lo Ti Nduzu Ahon Kue na ndo sese, sioni alingbi biani ti sö benda? [Zia zo ni akiri tënë]. Tour ti Ba Ndo so amû akiringo tënë, so azia ngia na bê ti zo, na hundango tënë so.”

Réveillez-vous! 22 janv.

“Nzoni dutingo ti e angbâ lakue ti wara kpale mara ni use pëpe. Mbeni kota ye ti gingo bê ni ayeke ye so ahiri ni nzi. Mo mä tënë so awe? [Zia zo ni akiri tënë]. Bible amû zendo so, mbeni lâ, fade a yeke zi na ndo sese aye kue so ayeke buba nzoni dutingo ti e. [Diko Esaïe 11:9]. Périodique so ayeke fa tongana nyen a yeke sala ande ni.”

Tour ti Ba Ndo 1 fév.

“Azo mingi laso ayeke na gingo bê teti so ala yeke na kua ti nginza pëpe. Ambeni nga ayeke na kota gingo bê na place ti kua ti ala. Mo pensé so lege ayeke dä ti tene zo aduti na ngia nga na nzoni duti na place ti kua ti lo? [Zia zo ni akiri tënë. Na pekoni, diko Esaïe 65:21-23]. Tour ti Ba Ndo so asala tënë ti mbeni ngoi so fade zo kue ayeke wara kua so lo lingbi ti te ye ti pekoni.”

Réveillez-vous! 8 fév.

“Réveillez-vous! so asala tënë ti mbeni ye ti vundu so asi na ngoi ti e: a yeke tënë ti amolenge so a pusu ala ti sala ndumba. Bible amû zendo so fade, na yâ ngoi kete, mara ti salango sioni na tele ti amolenge tongaso ayeke hunzi. [Diko aProverbe 2:21, 22]. Périodique so afa ye so ayeke na peko ti mara ti salango ye tongaso, na lo fa tongana nyen fade a yeke kanga lege na ni.”