Ye ti tene na ndo apériodique

Tour ti Ba Ndo 1 août

“Mbi ye ti hinga tënë ti bê ti mo na ndo mbeni tënë so Jésus atene lani. [Diko Matthieu 5:3.] Mo bâ so ti duti na ngia a yeke nzoni zo asara nzara ti ye ti yingo? [Zia zo ni akiri tënë.] Mbeti so afa ye so Bible atene na ndo tâ mungo bê na aye ti yingo na tongana nyen e lingbi ti sara ni.”

Tour ti Ba Ndo 15 août

“Mbi ye ti hinga tënë ti bê ti mo na ndo tënë so. [Diko aHébreu 3:4.] Mo yeda so mbeni zo so ahinga ye mingi si aleke dunia? [Zia zo ni akiri tënë.] Mbeti so afa wala ti duti na mabe na zo so asara dunia ague oko na tâ senda-ye wala pëpe.”

Réveillez-vous! août

Tongana mo tingbi na mbeni maseka, mo lingbi ti tene: “Bê ti amba ti mo mingi aso ndali ti asioni tënë so a diko na ndo ti ala. Asi nga na mo awe? [Zia zo ni akiri tënë.] Mbeti ti Nzapa amû na e anzoni wango so alingbi ti mû maboko na e tongana mara ti ye tongaso asi na e. A fa nga tongana nyen e lingbi ti kpe kperekpere.” Zi article ni na lembeti 12, na diko mbeni versê ti yâ ni.

Tour ti Ba Ndo 1 sept.

“Azo mingi atene so ‘Testament ti Giriri’ amû anzoni sango na ndo aye so asi ândö. Me ala yeke hunda tere ti ala wala awango ti yâ ni alingbi na ngoi ti e. Mo tene ti mo nyen? [Zia zo ni akiri tënë. Na pekoni diko aRomain 15:4.] Mbeti so afa tongana nyen ‘Testament ti Giriri’ amû anzoni wango teti fini ti e ti lâ oko oko nga tâ beku ti kekereke.”

Réveillez-vous! sept.

“Mo bâ ti mo so Nzapa la si ayeke na gunda ti akpale so aga na peko ti ngu, pupu wala yengingo ti sese? [Zia so ni akiri tënë. Na pekoni diko Deuteronome 32:4.] Mbeti so afa ngbanga ti nyen Nzapa azia lege na aye tongaso ti si, na afa nga tongana nyen e lingbi ti bata sewa ti e yamba na aye so.”