Hundango ndo

◼ Juska lawa la a yeke nzoni e ngbâ ti sara étude na mbeni wamandango Bible so ayeke gue na li ni?

A yeke nzoni mingi ti ngbâ ti sara étude na mbeni wamandango Bible so ayeke gue na li ni juska lo hunzi ambeti use: Bible afa nyen biani? nga na “Zia ala ngbâ na yâ ti ndoye ti Nzapa.” Même tongana wamandango Bible ni awara batême kozo si lo hunzi abuku ni use kue, a yeke nzoni ti sara tongaso. Na peko ti batême ti lo, e lingbi ti ngbâ ti sû na yâ ti rapport ti e l’heure so e sara ti manda Bible na lo, fani oke la e yeke sara étude ni na yâ ti nze, nga e yeke diko lo tongana étude ti e. Tongana e na mbeni ita la e gue ti sara étude ni si lo mû mbage ti lo na étude ni, lo nga kue lo lingbi ti diko l’heure so e sara.​—Bâ Kusala ti Royaume ti mars 2009, lembeti 2.

A yeke kota ye mingi ti tene gere ti mbeni fini wafango tënë agbu sese nzoni na yâ ti tâ tënë kozo si e zia lo gi lo oko. Ala yeke na bezoin ti tene “gunda ti ala alï sese” na yâ ti Christ na ala “yengi pëpe na yâ ti mabe” tongaso si ala luti ngangu na gbele akpale so ala yeke wara ande (aCol. 2:6, 7; 2 Tim. 3:12; 1 Pi. 5:8, 9). Na ndo ni, ti fa ye nzoni na ambeni zo, a lingbi ala wara “tâ hingango ye na ndo ti tâ tënë.” (1 Tim. 2:4). Tongana e hunzi abuku so use kue na azo so e yeke sara étude na ala, e yeke mû maboko na ala ti tene gere ti ala agbu sese nzoni na ndo ti “lege so ague na fini”.​—Mat. 7:14.

Kozo si a-ancien ayeda na mbeni zo ti wara batême, a yeke nzoni ala gi ti hinga wala zo ni agbu nda ti akozo gere ti fango ye ti Bible polele na lo yeke sara ye alingbi na ni na yâ ti fini ti lo. A yeke nzoni lê ti a-ancien azi na ngoi so ala yeke sara lisoro na mbeni wamandango Bible so ade ti hunzi kozo buku ni pëpe. Tongana mbeni zo ade ti duti nduru ti wara batême pëpe, a-ancien ayeke sara kue ti tene zo ni awara mungo maboko so alingbi tongaso si lo lingbi ti wara batême mbeni la.​—Bâ buku Bungbi so a leke ni ti sala ye so Jéhovah aye, lembeti 216-218.

[Kete tënë na lembeti 2]

A yeke kota ye mingi ti tene gere ti mbeni fini wafango tënë agbu sese nzoni na yâ ti tâ tënë