Mû maboko na ala ti “yengi pëpe na yâ ti mabe”

A yeke ye ti ngia mingi ti bâ tongana nyen Jéhovah ayeke iri tënë nzoni na ndo ti kusala ti bungbingo azo, na lege so azo ahon 250000 tongaso ayeke wara batême ngu oko oko (Deut. 28:2). Tongana mbeni wafango tënë amû maboko na mbeni wamandango Bible si lo wara batême awe, mingi ni wafango tënë ni ayeke zia peut-être lege ti étude ti zo ni na lo yeke gi ti mû maboko fadeso gi na ambeni zo nde. Peut-être wamandango Bible ni kue aye ti zia lege ti étude ti lo ni tongaso si lo wara ngoi mingi ti fa na tënë. Ye oko, ayeke kota ye ti tene gere ti awamandango Bible alï sese ngangu na yâ ti tâ tënë. Ala yeke na bezoin ti tene “gunda ti ala alï sese” na yâ Christ nga ti tene “ala yengi pëpe na yâ ti mabe.” (aCol. 2:6, 7; 2 Tim. 3:12). Tongaso, na peko ti so mbeni wamandango Bible awara batême awe, a lingbi lo ngbâ ti manda Bible juska lo hunzi buku Bible afa nga na buku Ndoye ti Nzapa use kue.—Bâ Kusala ti Royaume ti avril 2011, lembeti 2.