Akode ti fango na tënë

Ti to nda ti a-étude na kozo samedi ti nze ti décembre

“Ti mo azo so ayeke sara ngangu ti mä yanga ti Nzapa ayeke na ngia mingi? [Zia zo ni akiri tënë.] Article so afa ambeni pendere tënë.” Mû na zo ni Tour ti Ba Ndo ti lango 1 ti décembre, nga diko tënë so ayeke na gbe ti kozo kete li ti tënë ti lembeti 30 na sara lisoro na zo ni na ndo ni. Diko mbeni versê ni oko wala use tongaso. Mû apériodique ni na lo, na mä tere na lo ti ga ti kiri tënë na hundango tënë so aga na pekoni.

Tour ti Ba Ndo 1 décembre

“Ambeni zo apensé so bango ndo ti Bible na ndo ti tënë ti koli na wali aga ngbene ye awe nga ayeke kanga lege na zo gi senge senge. Me ambeni ayeda na ye so Bible atene. Mo tene ti mo nyen? [Zia zo ni akiri tënë.] Bâ tënë so Bible atene na ndo ti zo so alu andia so ayeke na yâ ni. [Diko 2 Timothée 3:16.] Mbeti so afa akiringo tënë so Bible amû na ndo ti ahundango ndo bale-oko so azo ayeke hunda ka so andu tënë ti koli na wali. A fa nga tongana nyen andia ti Bible ayeke ndali ti nzoni ti e.”

Réveillez-vous! décembre

Diko 2 Timothée 3:16. Na pekoni tene na lo: “Ambeni zo atene Bible alondo na Nzapa, me ambeni ake. Mo tene ti mo nyen? [Zia zo ni akiri tënë.] Atâa bango ndo ti azo ayeke nde nde na ndo ni, mingi ni ayeda so mbeni buku so ahon na yâ ti gbâ ti akpale tongana ti Bible ayeke dä pëpe. Mbeti so afa tongana nyen na yâ ti angu mingi azo agi lani lege kue ti futi Bible si azo adiko ni pëpe. A fa nga ye so asara si lo ngbâ.”