Akode ti fango na tënë

Ti to nda ti a-étude na kozo samedi ti nze ti novembre

“Mingi ti e aye ti wara mbeni nzoni gouvernement. Ti mo, mara ti gouvernement wa la alingbi ti leke akpale ti e? [Zia zo ni akiri tënë.]” Na pekoni mû na lo Tour ti Ba Ndo ti octobre–décembre, na bâ legeoko na zo ni mbeni oko ti akete li ti tënë so ayeke na lembeti 16 nga diko mbeni versê ni oko wala use so a fa tënë ti yâ ni pëpe. Mû na lo apériodique ni, na mä tere na lo ti kiri ti sara lisoro na ndo ti mbeni hundango tënë ni nde.

Tour ti Ba Ndo octobre–décembre

Diko Psaume 65:3. Na pekoni tene na zo ni: “Azo mingi ayeda so Nzapa ayeke ‘mä sambela,’ na ala yeke sambela lâ na lâ. Me ambeni ayeke hunda tere ti ala, ‘Tongana Nzapa ayeke dä, ngbanga ti nyen akpale ayeke mingi tongaso na yâ ti dunia?’ Mo tene ti mo nyen? Mbeni Nzapa ayeke dä so ayeke mä asambela ti e? [Zia zo ni akiri tënë.] Mbeti so afa kiringo tënë ti Bible na hundango ndo so: ‘Ngbanga ti nyen Nzapa so ayeke mä sambela azia si azo ayeke bâ pasi?’”

Réveillez-vous! décembre

“E yeke sara vizite na azo ndali ti so azo mingi li ti ala ayeke kpô pëpe nga ambeni ye asara ngangu na ndo ti ala. Mo pensé so na ngoi so e yeke dä azo aye ti kanga bê ti ku ape? [Zia zo ni akiri tënë.] Ambeni zo ayeda so e yeke na yâ ti mbeni ngoi so ayeke ngangu mingi na so Bible asara tënë ni kozoni awe na 2 Timothée 3:1. [Diko ni] Mbeti so afa ngbanga ti nyen tongana zo ahinga ti kanga bê ti ku pëpe ayeke sioni na afa ambeni ye so zo alingbi ti sara ti duti na kangango bê ti ku.”