Akode ti fango na tënë

Ti to nda ti a-étude na kozo samedi ti nze ti février

“Na yâ ti angangu ngoi so e yeke dä, e kue e yeke tingbi na ambeni ye so asara si asewa ayeke na yâ ti akpale. Mo pensé na ndo wa la e lingbi ti wara anzoni wango si sewa ti e aduti na ngia?” Zia zo ni akiri tënë. Na pekoni mû na lo Tour ti Ba Ndo ti janvier–mars, na bâ legeoko na zo ni mbeni oko ti akete li ti tënë so ayeke na lembeti 16 na 17 nga diko mbeni versê ni oko wala use so a fa tënë ti yâ ni pëpe. Mû na lo apériodique ni, na mä tere na lo ti kiri ti sara lisoro na ndo ti mbeni hundango tënë ni nde.

Tour ti Ba Ndo janvier–mars

“Mo hunda tere ti mo awe na ndo ti akpale ti yengingo ti sese wala ti sukungo ti ngu so amû ndo tongaso? [Zia zo ni akiri tënë.] Bible asara lani tënë ti mbeni ngoi so akpale ni so ayeke si mingi. [Diko Matthieu 24:7, 8.] Mbeti so akiri tënë na ahundango tënë so: A kiri a wu mingi tongaso ngbanga ti nyen? A yeke punition ti Nzapa la? Aye wa la afa na e so Nzapa aga nduru ti hunzi aye ni so kue biaku?”

Réveillez-vous! février

“Laso azo mingi aye ti sara lisoro na lege ti Internet. Mo pensé so akpale ti mara ti lisoro tongaso ayeke dä? [Zia zo ni akiri tënë.] Bible ayeke na ambeni wango so alingbi ti mû maboko na e si e tï na yâ ti akpale ni so pëpe. [Gue na lembeti 6-9, na sara lisoro na ndo ti mbeni oko ti ahundango tënë ni nga diko mbeni versê ni so a fa tënë ti yâ ni pëpe.] Mbeti so ayeke fa na mo akpale ti sarango lisoro na lege ti Internet nga tongana nyen mo lingbi ti kpe ni.”