Mo hunda lâ oko awe na mbeni ita so ayeke na kpale ti seni ti fa tënë legeoko na mo?

Na yâ ti mingi ti acongrégation ayeke wara awafango tënë so ayeke mû mbage na kusala ni gi kete ndali ti so ala yeke na kpale ti seni wala ndali ti so ala ga mbakoro (2 aCor. 4:16). Mo hunda lâ oko awe na mbeni ita so ayeke na mara ti kpale so ti gue legeoko na mo ti sara mbeni étude? Tongana wafango tënë ni ayeke na ngangu pëpe ti tambela, mo lingbi peut-être ti ga ti sara étude ni na ndo ti lo. Ngoi na ngoi mo yeke leke ti mû mbeni ita so ayeke na kpale ti seni ti sara da na da kete wala ti sara mbeni vizite oko wala use legeoko na mo? Mingi ti aita so ayeke mbakoro ayeke na nzoni kode mingi na yâ ti fango tënë. Ye oko, angangu so mo yeke sara ti mû maboko na ala ayeke ga na aye ti nzoni gi na ala oko pëpe, me mo kue mo yeke wara ye ti nzoni dä (aRom. 1:12). Na ndo ni, Jéhovah ayeke iri tënë nzoni na ndo ti angangu so mo yeke sara ti fa mara ti ndoye tongaso.​—aProv. 19:17; 1 Jean 3:17, 18.