Sara kusala na site ti e ti fa na ye na amolenge ti mo
1. A sigigi na mbage so atene “Enfants” na ndo ti site ti e ngbanga ti nyen?
1 A leke site ti e jw.org teti azo kue atâa ngu ti ala ayeke oke. Mbage so atene “Enfants” (gue na ndo ti La Bible et vous > Enfants) ayeke mû maboko na amolenge nga na ababâ na amama ti ga nduru mingi na mba nga na Jéhovah (Deut. 6:6, 7). Tongana nyen la mo lingbi ti sara kua na mbage so ti fa na ye na amolenge ti mo?
2. Tongana nyen la mo lingbi ti soro aye ti mandango ni so alingbi na ngu ti amolenge ti mo?
2 Gbian yâ ti fango ye ni a lingbi na amolenge ni: Besoin ti amolenge oko oko ayeke nde nde (1 aCor. 13:11). Tongaso, tongana nyen la mo lingbi ti soro aye ti manda so alingbi na ngu ti amolenge ti mo? Hunda tere ti mo: ‘Nyen la a yeke nzere ande na amolenge ti mbi nyen? Ala lingbi ti gbu ande nda ti atënë ni? Ala lingbi ti dengi mê na mandango ye ni teti ngbonga oke?’ Ti amolenge so ayeke na ngu ota wala na gbe ni, mo lingbi ti sara lisoro na ala na ndo ti ambaï so ayeke na gbe ti “Comptines bibliques.” Anzere na ambeni sewa ti sara kusala na ambaï so ayeke na mbage so atene “Enseignez vos enfants.” Nga, bâ ambeni mbage so ayeke ga na pekoni.
3. Tongana nyen la ababâ na amama alingbi ti sara kua nzoni na ambaï ti Bible so nga na ambage nde nde so ayeke na yâ ti “Pour le culte familial”?
3 “Pour le culte familial”: Agbakuru so ayeke ti mû maboko na ababâ na amama ti sewa ti fa na ye na amolenge ti ala. Ti hinga tongana nyen ti sara kusala na ambaï nga na ambage oko oko, pete na ndo ti “Télécharger”, na diko “Guide des parents” so ayeke na yâ ni na ngoi ti vorongo Nzapa na yâ ti sewa. Ti fa ye na amolenge ni, sara kusala na adessin ti tene ala colorié ni. Mû maboko na amolenge so akono kete ti tene ala sara ambeni mbage ti ye ti manda ni. Ye ti manda oko ayeke na ambage nde nde me kue andu gi oko mbaï ti Bible so a sara tënë na ndo ni, tongaso amolenge kue alingbi ti sara tënë na ngoi ti vorongo Nzapa na yâ ti sewa ni.
4. Nyen la a yeke wara na yâ ti mbage so atene “Deviens l’ami de Jéhovah”?
4 “Deviens l’ami de Jéhovah”: Na yâ ni a yeke wara “Vidéos”, “Chansons”, nga na “Activités” ti mû maboko na ababâ na amama ti fa tënë ti Nzapa na amolenge ti ala même na ngoi so ala de kete (Deut. 31:12). Anduru vidéo so oko oko kue ayeke na akpengba ye ti manda. Na yâ ti “Activités” ni ayeke wara ambeni jeu so a hunda na amolenge ni ti fa akiringo tënë ni nga na akpengba ye so ala lingbi ti manda dä. Teti so amolenge aye ka ti he bia mingi nga abia ayeke mû maboko na ala ti dabe na aye so ala manda, ngoi na ngoi a yeke zia na ndo ti site ti e abia ti Royaume nga na abia so a sigigi na ni gi ndali ti amolenge.
5. Ngbanga ti nyen a lingbi ababâ na amama ahunda na Jéhovah ti mû maboko na ala ti fa tâ tënë na amolenge ti ala?
5 Jéhovah aye ti tene ala ababâ na amama aduti na ngia. Tongaso, ala hunda na lo ti mû maboko na ala ti fa tâ tënë na amolenge ti ala (aJu. 13:8). Na lege ti mungo maboko ti Jéhovah, ala lingbi ti fa ye na amolenge ti ala ti ga azo ti “ndara ti wara na salut na lege ti mabe na Christ Jésus.”—2 Tim. 3:15; aProv. 4:1-4.