Sara kusala nzoni na angbene périodique

Tongana mbeni ita abata gbâ ti angbene périodique na yâ ti da wala lo bi ni, a yeke ga na ye ti nzoni na zo oko ape. Ni la, a lingbi e kangbi ni na azo. Gi mbeni périodique oko alingbi ti ndu bê ti mbeni zo so aye ti hinga tâ tënë na ti pusu lo ti to nda ti iri ndo na Jéhovah na iri ti lo (aRom. 10:13, 14). Awango so aga na pekoni ge alingbi ti mû maboko na e ti sara kua nzoni na angbene périodique ti e.

Na ngoi so mo yeke fa tënë na yâ ti aterritoire so a yeke fa ka tënë dä mingi ape, peut-être mo lingbi ti zia angbene périodique ni na ayanga-da so azo ni ahon, na mbeni place so azo so ahon na lege alingbi ti bâ ni ape.
Na ngoi so mo yeke fa tënë na ambeni ndo tongana ando so azo ayeke ku bus wala taxi dä, hunda na zo ni wala lo ye ti diko mbeni mbeti, fa na lo angbene périodique nde nde so mo yeke na ni, na zia lo soro ti bê ti lo.
Na ngoi so mo gue na hôpital, wala na ambeni ndo so ayeke na yâ ti territoire ti congrégation ti mo, mo lingbi ti zia ambeni ngbene périodique na ando so azo ayeke duti dä ti ku zo so ala ga ti bâ lo. Tongana zo so ayeke bâ ndo na ndo ti aye ni ayeke dä, a yeke nzoni ti hunda lo kozo tongana lo yeda si. Tongana mo bâ so a zia gbâ ti agbene périodique na ndo ni so awe, a yeke nzoni mo zia ambeni encore ape.
Na ngoi so mo yeke leke tere ti gue ti sara avizite, gi ti bâ aye so alingbi ti ndu bê ti zo oko oko so mo yeke gue ti bâ lo. Lo yeke na sewa? Lo ye ka ti voyagé mingi? Lo ye tënë ti jardin mingi? Gi yâ ti angbene périodique so mo yeke na ni ti bâ article so alingbi ti nzere na lo, na pekoni fa ni na lo tongana mo kiri ti bâ lo.
Na ngoi so mo kiri mo wara mbeni zo so ayeda na tënë ni me so a yeke ngangu ti wara lo na yanga-da, mû na lo angbene périodique so ade lo wara ni ape.