Gi ti kangbi “aye ti nzoni” na yambango agene (Mat. 12:35a)

Kite ayeke dä pëpe so e kue e ye ti kangbi “aye ti nzoni” na azo na “lege ti yambango agene.” (aRom. 12:13). A-ancien ayeke mû li ni ti leke si a yamba aita so alondo na ambeni congrégation nde si aga ti mû diskur nga a mû na ala pata ti lege. Ye oko, e lingbi ti gi bê ti e ti yamba agene ndali ti so e yeke na ye mingi pëpe, wala e lingbi ti gi bê ti e mingi ti tisa ambeni zo na da ti e. Tongana e gbu li ti e na ndo ti wango so Jésus amû na Marthe alingbi ti mû maboko na e ti hon ndo ti mara ti apensé tongaso (Luc 10:39-42). Lo fa so “nzoni mbage” ti yambango agene ayeke ti so azo aduti ndo oko nga ala kpengba mba, me a yeke pëpe gbâ ti akobe wala da so e leke yâ ni pendere. Na sarango ye alingbi na wango so, e kue e yeke kangbi “aye ti nzoni” na aita ti e ti lingbi na ye so Bible afa.—3 Jean 5-8.