Sara kua nzoni na ambeni ye so ayeke na yâ ti buku Bible afa nyen

Tongana mbeni zo so amanda Bible asara ye biani alingbi na ye so lo manda, lo yeke maï nga lo yeke lë lengo na lege ti yingo (Ps. 1:1-3). E lingbi ti mû maboko na azo so e yeke manda Bible na ala ti maï tongana e sara kua nzoni na ambeni ye so ayeke na yâ ti buku Bible afa nyen.

Ahundango tënë so ayeke na tongo nda ti achapitre ni: Chapitre oko oko ato nda ni na ambeni hundango tënë so a yeke wara akiringo tënë ni na yâ ti aye ti manda ni. Mo lingbi ti hunda ambeni tënë so alingbi ti pusu zo ni ti duti na nzara ti ye so ala yeke gue ti manda so. Wala mo lingbi ti hunda lo ti sara tënë kete na ndo ti hundango tënë oko oko. Tongana lo kiri tënë na lege ni ape, a sara ye ape. Akiringo tënë ti lo ayeke mû maboko na mo ti hinga atënë so a lingbi mo luti na ndo ni ande na ti zi nda ni nzoni.—aProv. 16:23; 18:13.

Ambeni tënë ti bâ na ndo ni: Tongana zo ni agbu nda ti tënë ni nga lo yeda na ambeni kota li tënë ni, mo lingbi ti wa lo ti tene lo wani lo bâ mbage so li ni ayeke ambeni tënë ti bâ na ndo ni. Na ngoi ti étude ti peko, mo lingbi ti mû kete ngoi ti bâ wala lo gbu nda ti mbage ni so. Me, tongana mo bâ ayeke nzoni ndali ti lo, mo lingbi ti mû ngoi ti étude ni ti sara mbage ni so kue wala gi mbeni mbage ni na lo. Ala diko aparagraphe ni nga mo hunda ambeni tënë so mo leke ni kozo awe.

Encadré “Ye so Bible afa”: Na yâ ti encadré ni so ayeke na hunzingo ti achapitre ni, a yeke wara akiringo tënë na ahundango tënë so ayeke na tongo nda ti achapitre ni. Mo lingbi ti sara kua na mbage ni so ti bâ wala zo ni amä yâ ti atënë ni na lo peut ti fa nda ti akota tënë ni. Diko atënë ni oko oko kue nga na aversê so ayeke na tere ni. Na pekoni, hunda na zo ni ti sara kua na aversê ni ti fa ndani so tënë ni so ayeke tâ tënë.—Kus. 17:2, 3.