Mo hinga ti sara kua na JW Library?

JW Library ayeke mbeni application so mo lingbi ti sara kua na ni ti téléchargé Bible, ambeni mbeti ti e, avidéo nga na aye ti mango ni na ndo ti téléphone, tablette wala ordinateur ti mo.

LEGE TI WARA NI: Gue na ndo ti internet, na téléchargé JW Library na ndo ti Play Store. Mo peut ti sara kua na application so na ndo ti téléphone, tablette wala ordinateur ti mo. Na ngoi so mo yeke na ndo ti internet, li na yâ ti application ni na soro ambeti so mo ye ti téléchargé ni. Tongana mo yeke na connection internet na yanga da ti mo ape, peut-être mo lingbi ti gue na ndo ti mbeni ita, na mbeni ndo so connection internet ayeke dä wala na cyber café. Tongana mo téléchargé ambeti na ndo ti téléphone wala tablette ti mo awe, mo yeke encore na bezoin ti gue na ndo ti internet si mo sara kua na ni ape. Ndali ti so a yeke zia lakue afini mbeti na yâ ti application JW Library, mo lingbi ti gue na ndo ti internet ngoi na ngoi ti sara mise à jour ti application ni si mo wara ambeti ni so.

NGBANGA NYEN TI WARA NI? A leke application JW Library ti mû maboko na e na ngoi ti mandango ye ti e nga na ngoi ti abungbi. A yeke nga nzoni mingi ti sara kua na ni na fango tënë, mbilimbili na na fango tënë na alege kue so azi.