A leke Site ti e—Ti mû maboko na mo wani nga ti manda ye na sewa

Diko afini périodique so a zia na ndo ti Site ni: A yeke wara na ndo ti site ni aTour ti Ba Ndo na Réveillez-vous! ayenga mingi kozoni si e wara ni na yâ ti congrégation. E lingbi nga ti mä apériodique ti mango ni.​—Gue na ndo ti “Publications/Revues.”

Diko a-article so a zia ni gi na ndo ti site ti e: Ambeni article tongana “Pour nos jeunes lecteurs,” “Comptine biblique,” “Le coin des familles,” na “Les jeunes s’interrogent,” ayeke sigigi fadeso gi na ndo ti site ti e. Gue na ndo ti site ni, na bâ ambeni article ni na ngoi so mo yeke manda ye mo wani wala na sewa.​—Gue na ndo ti “La Bible et vous/Enfants” wala “La Bible et vous/Adolescents.”

Diko afini sango: Diko asango so akpengba zo nga na aye so asi na aita nga bâ avidéo so afa kota guengo na li ni ti kusala ti e na yâ ti dunia. Ambeni sango ni andu aye tongana kota pupu, yengingo ti sese na sarango ye ti ngangu na aita ti e, aye so alingbi ti mû maboko na e ti tene e sambela ndali ti ala (Jacq. 5:16).​—Gue na ndo ti “Actualités.”

Ti sara recherche sara kua na Bibliothèque en ligne: Sara kusala na Watchtower Library na ndo ti site ti e ti sara recherche na yâ ti ambeni fini mbeti ti e tongana ordinateur ti mo ayeke diko CD ni pëpe. Ti ndembe so a yeke wara Bibliothèque en ligne na ndo ti site ni me wungo ti ayanga ti kodoro ni ayeke mingi pëpe. A yeke zia ande ambeni yanga ti kodoro dä.​—Gue na ndo ti “Publications/​Bibliothèque en ligne.”

[Foto na lembeti 4]

(Ti bâ ni mbilimbili, gue na yâ ti mbeti ni)

Tara ni

1 Cliqué na ndo ti photo ni wala na ndo ti “télécharger”. Photo ni ayeke sigigi na lê ti ordinateur ni na yâ ti PDF. Imprimé ni na mû na molenge ti mo ti fa kiringo tënë ni na ti fa ye so lo manda dä.

2 Cliqué na ndo so afa na mo ti bâ vidéo.