Mo hinga ti sara kua nzoni na carte ti JW.ORG?

So kota ye ti vundu ayeke pusu nduru, kua ti e ti fango tënë aga kua so alingbi a sara ni hio (aPr 24:11, 12, 20). Ti mû maboko na azo, e lingbi ti sara kua na carte ti JW.ORG ti gboto lê ti ala na ndo ti Bible nga na site ti e. Carte ni ayeke na mbeni code so ayeke gue na zo na vidéo Ndani nyen ti manda Bible? nga mbeni tisango ndo ti hunda ti wara asango wala ti manda Bible. Ambeni zo aye ka ti mû ambeti ti e ape me ala yeke nduru ti gue na ndo ti site ti e. Ku pëpe ti mû na ala mbeni carte ni. Me, zia pëpe carte ni na ala so ayeda na tënë ni ape.

Tongana mo yeke gue na akua ti mo ti lâ oko oko, mo lingbi ti zia nzara ni na yâ ti mbeni zo na tenengo na lo: “Mbi ye ti mû na mo mbeni carte. Carte so ayeke gue na mo na ndo ti mbeni site so ayeke fa asango dä senge senge nga na avidéo na ndo ti atënë nde nde.” (Jn 4:7). Ndali ti so carte ni ayeke kete, mo lingbi ti mû mbeni kete wungo ni na tere ti mo ti kangbi ni na ambeni zo na alege kue so azi.