Akiringo Tene na Ahundango Tene ti I

◼ A lingbi a mu insigne teti kota bungbi ti district na zo wa?

A-insigne teti akota bungbi ti district amu lege na e ti hinga aita ti e na a yeke gboto lê na ndo kota bungbi ni. Ye oko, a lingbi a kangbi ni na azo kue pepe. A yeke ba ala so ayü ni tongana azo so ayeke na yâ mbeni kongrégation, so na yâ ni ala yeke na nzoni iri.

Na ndo ti badge ni, a yeke wara mbeni ndo ti sû iri ti zo so ayü ni nga iri ti kongrégation ti lo. Tongaso, a lingbi zo ni ague kamême lakue lakue na kongrégation ni so. Société ayeke tokua na akongrégation oko oko mbeni wungo ti a-badge. A yeke nzoni ti mu oko na wafango tene oko oko, atä ala wara batême awe wala pepe. Fade a yeke mu ni nga na amolenge nga na azo so ayeke ga na abungbi lakue na so ayeke gue na li ni ti mu mbage na fango tene. A yeke ti mu pepe na mbeni zo so abi lo na gigi ti kongrégation.

Tongana a-badge aduti ande dä, fade a-ancien ayeke gi ti kangbi ni legeoko na awango-tene so.