Leke ala ti ngbâ ti sara na Jéhovah lakue

Aye so asi afa so mingi ni, afini wafango tënë so a leke ala nzoni na tongo nda ni ti fa tënë lakue nga ti yapu dä ayeke ga akpengba wafango tënë (aPr 22:6; aPh 3:16). Bâ ambeni ye so mo lingbi ti sara ti aidé mbeni wafango tënë ti duti na nzoni kode ndali ti fango tënë:

• Gï so a mû lege na zo so mo sara étude na lo ti ga wafango tënë, komanse ti leke lo (km 8/15 l. 1). Fa na lo nene ti zia fango tënë na popo ti aye so lo yeke sara yenga na yenga (aPh 1:10). Tene atënë so ayeke nzoni na ndö ti azo ti territoire (aPh 4:8). Wa lo ti fa tënë legeoko na surveillant ti groupe nga na ambeni wafango tënë ti wara ye ti nzoni na lege ti akode ti ala.—aPr 1:5; km 10/12 l. 6 par. 3

  

• Tongana lo wara batême awe, zia pëpe ti kpengba lo nga ti fa ye na lo na fango tënë, mbilimbili tongana ade lo hunzi pëpe ti manda buku “Ngbâ na yâ ti ndoye ti Nzapa”.—km 12/13 l. 7

  

• Sara kua na kode ti fango tënë so akpengba ape na ngoi so mo na mbeni fini wafango tënë la ayeke fa tënë. Na peko ti so lo fa tënë na mbeni zo, gonda lo. Fa na lo ambeni ye so ayeke mû maboko na lo ti fa tënë nzoni mingi.—km 5/10 l. 7