“Ala lango pëpe”

25:1-12

Atâa so toli ti Jésus na ndö ti amaseka-wali bale-oko so ade ti hinga koli ape andu kozoni kue adisciple ti lo so a soro ala ti gue na yayu, tënë ni abâ aChrétien kue (w15 15/3 l. 12-16). Lo tene: “Ni la, zia ala lango pëpe, ngbanga ti so ala hinga lango ni nga na l’heure ni pëpe.” (Mt 25:13). Mo lingbi ti fa nda ti toli ti Jésus so?

• Koli so ayeke mû wali fini fini (versê 1)—Jésus

• Amaseka-wali so ayeke sara ye na ndara aleke terê ti ala (versê 2)—A-Chrétien so a soro ala ti gue na yayu so aleke terê ti ala ti sara kua ti ala na bê ti ala kue nga so ayeke su tongana aye ti zango lumière juska na nda ni (aPh 2:15)

• Mbeni go adekongo, atene: “Bâ, koli ni asi awe!” (versê 6)—Aye so afa biani so Jésus asi awe

• Amaseka-wali ti buba ni (versê 8)—A-Chrétien so a soro ala ti gue na yayu so ayeke gue ti tingbi na koli so amû wali fini fini, me ala lango nga ala ngbâ be-ta-zo pëpe

• Amaseka-wali ti ndara ni ake ti mû mbeni mafuta ti ala ni na amba ti ala (versê 9)—Na peko ti so a kpo nzoroko biani biani na ndö ti lê ti aChrétien so a soro ala ti gue na yayu so angbâ be-ta-zo, lege ayeke dä encore ape ti tene ala mû maboko na ala so angbâ be-ta-zo ape so

• “Koli ni asi” (versê 10)—Na ngoi so kota ye ti vundu ayeke ga nduru ti hunzi la Jésus ayeke ga ti fâ ngbanga

• Amaseka so asara ye na ndara alï legeoko na koli ni na matanga ti mariage ni, na a kanga yanga-da ni na peko ti ala (versê 10)—Kâ na yayu, Jésus ayeke bungbi aChrétien so a soro ala so angbâ be-ta-zo, me ala so angbâ be-ta-zo pëpe ayeke wara futa ti ala ape