Mû peko ti mbi: A hunda aye wa?

9:62

Ti suru adû ti yaka na charrue droit, mbeni zo ti dengo yaka alingbi lani pëpe ti zia si aye so ayeke na peko ti lo agboto lê ti lo. Legeoko nga, a lingbi mbeni Chrétien azia pëpe si aye so lo zia na peko na yâ ti dunia so agboto lê ti lo.—aPh 3:13.

Na ngoi so e tingbi na akpale, a yeke ngangu ape ti regretté ngoi ti ândö so e pensé e tene ayeke nzoni mingi, peut-être kozo ti tene e ga na yâ ti tâ tënë. Na sarango tongaso, mingi ni, e yeke fa so e yeke na ngia lani mingi nga e bâ so e yeke lani na akpale mingi ape. A yeke ye so azo ti Israël asara na peko ti so ala sigi na Égypte (Nb 11:5, 6). Tongana e ngbâ ti duti na mara ti apensé so, bê ti e alingbi ti pusu e ti kiri na ndö ti asarango ye ti e ti ândö. A yeke nzoni mingi ti gbu li na ndö ti aye ti nzoni so e yeke wara laso nga ti zia lê ti e gï na ndö ti ngia so e yeke wara ande na gbe ti Royaume.—2aC 4:16-18.