Ngbâ ti ku kungo na kangango bê

A sara ngoi oke la mo yeke ku ti tene Royaume ti Nzapa aga? Mo yeke ku na kangango bê atâa so mo tingbi na akpale? (aRm 8:25). A ke ambeni Chrétien, a sara ye ti ngangu na ala, a kanga ala, wala même a zia mbeto na yâ ti ala a tene a yeke fâ ala. Ambeni mingi atingbi na akobela so a sava ni gbä wala ngu ti ala ague na li ni mingi.

Nyen la ayeke aidé e ti ngbâ gï ti ku na ngoi so e tingbi na akpale? A lingbi e ngbâ ti kpengba mabe ti e na dikongo Bible lâ na lâ nga na gbungo li nzoni na ndö ti ye so e diko. A lingbi e zia li ti e na ndö ti beku ti e (2aC 4:16-18; aHb 12:2). A lingbi e voro terê na Jéhovah na yâ ti sambela nga e voro yanga na lo ti mû na e yingo vulu (Lc 11:10, 13; aHb 5:7). Jéhovah, Babâ ti e so aye e mingi alingbi ti aidé e ti ‘gbu ngangu biani nga ti duti na ngia ti kanga bê ti ku.’​—aCl 1:11.

BÂ VIDÉO A LINGBI E ‘GBU NGANGU E KPE LORO’: HINGA BIANI SO MO YEKE WARA FUTA NI, NA PEKONI KIRI TËNË NA AHUNDA SO:

• 

  ‘Aye wa so e ku terê ti e na ni pëpe’ alingbi ti si na e na yâ ti fini ti e? (Zo 9:11)

• 

  Tongana nyen la sambela ayeke mû maboko na e na ngoi so e tingbi na akpale?

• 

  Tongana e lingbi pëpe ti sara kua mingi na Jéhovah tongana ti kozo, ngbanga ti nyen la a lingbi e zia li ti e gï na ndö ti ye so e peut ti sara?

• 

  Nyen la ayeke aidé mo ti ngbâ ti duti na confiance so mo yeke wara futa ni?